Mirë se vini!

Ju faleminderit që keni zgjedhur të përdorni Gjirafa.com, GjirafaVideo dhe shërbimet tona tjera, të cilave në tërësi do t’i referohemi si “Shërbimet”.

Ne kemi hartuar këto kushte të përdorimit (të cilave do t’i referohemi si “Kushtet”) ashtu që të njoftoheni me rregullat të cilat definojnë marrëdhënien tonë me ju. Edhe pse jemi munduar që kjo rregullore të jetë sa më e kuptueshme, në të do të hasni edhe terme ligjore. Arsyeja e përdorimit të tyre është se formojnë nenet dhe relacion të detyrueshëm kontraktues ndërmjet juve dhe Gjirafa, Inc. kështu që ju sugjerojmë që t’i lexoni me kujdes.

Duke shfrytëzuar shërbimet tona, ju pajtoheni dhe merrni përsipër të respektoni në tërësi obligimet tuaja që rrjedhin nga këto Kushte, në të kundërtën me mirësi ju lusim të mos i përdorni shërbimet tona.

Në kuadër të këtyre Kushteve, termet “JU” apo “përdorues” apo “blerës” nënkuptojnë entitetin apo individin i cili përdor shërbimet tona, ndërsa “NE” apo “tona” apo “GJIRAFA” nënkupton Gjirafa, Inc., dega në Kosovë, dhe “palët” nënkuptojnë JU dhe GJIRAFA.
GjirafaVideo përmban kanale qe i dedikohen audiencës së moshës minorene, me ç’rast kushtet e shërbimit duhet pranuar nga prindi ose kujdestari ligjor. Prindi/kujdestari ligjor zotohet që do t’ju përmbahet këtyre kushteve dhe në raport me fëmiun, do të kujdeset dhe mban përgjegjësi për shfaqjen e përmbajtjes. 

1.    Privatësia

Ju lutem lexoni me kujdes Politikën e Privatësisë të publikuar në ueb faqen tonë në Gjirafa.com. Politika e Privatësisë është pjesë integrale dhe e pandashme e këtyre Kushteve.

2.    Të drejtat e autorit

Ne jemi të përkushtuar të mbrojmë të drejtat e autorit dhe angazhohemi që këto të drejta të respektohen në tërësi.
E gjithë përmbajtja e përfshirë, e vënë në dispozicion apo e plasuar përmes ndonjë shërbimi tonë e cila në mënyrë shprehimore theksohet se është vënë në dispozicion ose plasuar nga Gjirafa, siç mund të jenë por pa u limituar: ndonjë tekst, grafike, llogo, imazh, audio klip, shkarkime digjitale, të dhëna të grumbulluara dhe/apo softuere janë pronë e jona, apo e kontraktorëve tanë dhe mbrohen me ligjin mbi të drejtat e autorit të Republikës se Kosovës, ligjet ku operon apo ushtron aktivitetin GJIRAFA dhe normat ndërkombëtare për të drejtat e autorit.

Nëse gjatë shfrytëzimit të shërbimeve tona vëreni se ndonjë e drejtë e autorit është cenuar ju lutem mos hezitoni të na kontaktoni përmes të dhënave të kontaktit të publikuara në ueb faqen tonë.

Në anën tjetër, kanalet të cilat ndodhen në GjirafaVideo nuk janë në pronësi të Gjirafa, perveq përmbajtjeve nga GjirafaStudios. Secili kanal e ka pronarin e tij lehtësisht të identifikueshëm dhe secila video ose përmbajtje e plasuar në atë kanal, është përgjegjësi e plotë dhe e vetme e pronarit të Kanalit. Gjirafa do t’ju ndihmoj në lehtësimin e konkaktit me pronarin e kanalit, mirëpo në asnjë rast, Gjirafa nuk mban përgjegjësi për ato përmbajtje. Ju do t’i drejtoheni pronari të kanalit, për pretendimet në lidhje me atë video ose përmbajtje.

3.    Markat Tregtare

Marka e jonë tregtare është e mbrojtur me ligj. Asnjë person fizik apo juridik, gjatë aktiviteteve të tyre tregtare nuk mund të shfrytëzojë ndonjë shenjë që në masë substanciale është identike, ose e ngjashme me markën tone tregtare. Shfrytëzimi i pa-autorizuar i markës tregtare konsiderohet si shkelje e të drejtave pronësore mbi markën e regjistruar tregtare.

4.    Përmbajtja e të tjerëve

Në shërbimet tona një pjesë e përmbajtjes vjen nga përdoruesit, publikuesit, dhe palëve te treta. Edhe pse ne mundohemi që të rishikojmë përmbajtjet kohë pas kohe, ne nuk e bëjmë këtë për të gjitha faqet, dhe si rezultat nuk mbajmë përgjegjësi për çfarëdo lloj përmbajtje që vjen nga të tjerët nëpërmjet shërbimeve tona. Përmbajtja qe i dedikohet audiencës minorene gjithmonë kontrollohet për t’ju përshtatur moshës së përdoruesve, por në asnjë rast, Gjirafa nuk mban përgjegjësi nësë përmbajtja, përkundër moshës së dedikuar, mund të shkaktoj çfarëdo reagimi te fëmiu. Prindi/kujdestari ligjor mbetet përgjegjës për kontrollim të përshtatshmërisë së përmbajtjes për fëmiun e tij.

5.    Raportimi i përmbajtjes

Ju keni mundësi të raportoni një përmbajtje të pa përshtatshme ose një përmbajtje e cila ju mendoni se ju cenon juve ose personave nën përgjegjësinë ligjore tuajën.

Në rast se ju raportoni një video, përmbajtje ose çfarëdo materiali të shfaqur në kanalet me përmbajtje te dedikuar për fëmijë, ne menjëherë do të reagojmë në përputhje me politikat tona të brendshme. 

6.    Komunikimi Elektronik

Ju pajtoheni që të komunikoni me ne në mënyrë elektronike, përmes e-mailit, teksteve, njoftimeve, mesazheve apo përmes shërbimeve të tjera. Ju mund të ruani kopjet e këtyre komunikimeve për nevoja tuaja. Ju pajtoheni se të gjitha marrëveshjet, njoftimet, shpalosjet, dhe komunikimet e tjera që ne ju ofrojmë juve në mënyrë elektronike janë valide dhe të plotëfuqishme dhe janë ekuivalente me komunikimet me shkrim.

7.    Llogaria juaj, abonimi dhe pagesa

Nëse ju hapni llogari tek ne në lidhje me shërbimet tona, ju do të keni mundësi të shfrytëzoni të gjitha shërbimet e Gjirafa, mirëpo ju mbeteni përgjegjës të ruani konfidencialitetin e llogarisë dhe fjalëkalimit tuaj, si dhe pajtoheni të pranoni përgjegjësinë për të gjitha aktivitetet që bëhen nën llogarinë tuaj dhe fjalëkalimin tuaj. 

8.    Modifikimi i shërbimeve

Ne rezervojmë të drejtën që në çdo kohë dhe pa ndonjë njoftim paraprak të ndryshojmë, përmirësojmë, kufizojmë ose ndërprejmë përkohësisht apo përfundimisht ndonjë nga shërbimet ose pjesë të këtyre shërbimeve, apo pjesë të funksioneve të këtyre shërbimeve, përfshirë aplikacionet e lansuara. Për më tepër ne rezervojmë të drejtën për të prezentuar apo futur në funksion veçori ose aplikacione të reja për të përmirësuar shërbimet e tona.

9.    Refuzimi apo anulimi i një transaksioni

Gjirafa rezervon të drejtën që në çdo kohë, nën vullnetin e saj të lirë, të refuzoj apo të anuloj një transaksion online për çfarëdo arsye. Disa situata që mund të rezultojnë që një transaksion online të refuzohet apo anulohet përfshijnë dyshimet për mashtrim me kartelën e kreditit apo debitit, kur ka arsye të besojmë se transaksioni online është i pa-autorizuar, shkel ndonjë ligj, rregull apo rregullore. GJIRAFA në çdo kohë mund të kërkoj verifikime ose informacione shtesë për ndonjë transaksion online.

10.    Tatimet 

Çmimi i produkteve apo sherbimeve të listuara në ueb faqen tonë përfshinë TVSH-në dhe obligimet doganore (aty ku aplikohet), megjithatë para procesimit të porosisë ju lutem të lexoni me kujdes detajet e porosisë. Në rastet kur në çmimin e produktit apo shërbimit nuk janë të përfshira tatimet apo ngarkesat e tjera doganore apo ngarkesa të tjera të imponuara nga ligjet atëherë ju obligoheni që krahas çmimit blerës të paguani të gjitha tatimet dhe ngarkesat e tjera (e aplikueshme për blerjet nga jashtë).

11.    Kujdesi ndaj klientit

Kujdesi ndaj Klientit ka një rëndësi të veçantë për ne. Nëse ju keni nevojë për ndihmë apo asistencë për procesim të ndonjë transaksioni, gjurmim të porosisë tuaj, apo tjetër, ju keni mundësi që të lidheni drejtpërdrejtë me ne.

12.    Plotësim-Ndryshimet e kushteve

Ne, në vazhdimësi përmirësojmë shërbimet ekzistuese, si dhe ofrojmë shërbime të reja. Kjo do të thotë që mund të shtojmë funksionalitete të reja, produkte apo shërbime, apo t’i ndalim ato. Ne, mund të ndërmarrim cilin do veprim në çfarëdo kohe dhe mund të mos jemi në gjendje t’ju njoftojmë paraprakisht.

Ne shpresojmë qe ju do të përdorni përgjithmonë shërbimet tona, gjithsesi ju mund të përfundoni marrëdhënien duke fshirë llogarinë tuaj.

Në të njëjtën kohë edhe Ne mund të përfundojmë kontratën tonë në çdo kohë, për çfarëdo arsye, pa njoftim paraprak. Kjo do të thotë se ne mund të vendosim kufizime shtesë në përdorimin tuaj të shërbimeve, apo të mos ju ofrojmë shërbimet tona. Si p.sh. Ne mund të deaktivizojmë llogarinë tuaj si rezultat i mos shfrytëzimit të shërbimeve për një kohë të gjate.

13.    Detyrueshmëria e këtyre kushteve dhe hyrja në fuqi

Pranimi i këtyre kushteve krijon relacion kontraktues detyrues në mes të Gjirafa dhe juve. Çfarëdo ndryshimi dhe plotësimi i kushteve, konsiderohet se kanë ndryshuar dhe plotësuar relacionin kontraktues në mes neve.  

Këto Kushte hyjnë në fuqi kurdo që shfaqet cilado nga rrethanat në vijim:
-  Në datën e pranimit të tyre gjatë regjistrimit në platformë; ose
-  Në rastet e kushteve të plotësuara dhe ndryshuara, në momentin kur ju vazhdoni të përdorni shërbimet e Gjirafa, pas plotësimit dhe ndryshimit të kushteve.

14.    Zgjidhja e MOSMARRËVESHJEVE dhe ligji i aplikueshëm

Çdo mosmarrëveshje, mospajtim, ose pretendim që del nga apo në lidhje me këto Kushte, duke përfshirë shkeljen, ndërprerjen ose jo-vlefshmërinë e këtyre Kushteve, do të zgjidhet me arbitrazh në kuadër të Odës Ekonomike Amerikane në Kosovë, në përputhje me ligjet e aplikueshme të Republikës së Kosovës.

Kushtet e Përgjithshme të Marrëveshjes së Shërbimit për Platformën e  GjirafaVideo 

MIRËSEVINI në GjirafaVideo! 

Jemi tejet të lumtur që keni vendosur të shfrytëzoni Shërbimet e GjirafaVideo (tutje si “Shërbimet”). 

Ne, me përkushtim kemi përpiluar këto Kushte të Përgjithshme të Marrëveshjes së Shërbimit (tutje si  “Kushtet e Shërbimit”) ashtu që ju të dini rregullat që rregullojnë raportin tonë me juve.  

Duke u qasur në Shërbimet e GjirafaVideo ju dakordoheni të respektoni Kushtet e Shërbimit. Në rast të  ndonjë mosmarrëveshje ndërmjet Gjirafa dhe juve, këto Kushte të Shërbimit do të mbizotërojnë kundrejt  çfarëdo kushti tjetër të çfarëdo marrëveshje. Ju lutemi lexoni këto Kushte të Shërbimit me kujdes dhe të  na kontaktoni në rast se keni ndonjë pyetje.  

1. Hyrje 

1.1 “Gjirafa, Inc.” – Dega në Kosovë është kompani e huaj e regjistruar në Kosovë me numër unik  identifikues 810840307, me adresë Magjistralja Prishtinë – Ferizaj, km i 6-të, Graçanicë, Kosovë (tutje si  “Gjirafa”). Gjirafa operon platformën online GjirafaVideo (tutje si “GjirafaVideo”), të cilës mund të i qaseni  përmes https://video.gjirafa.com/. 

1.2. Në këto Kushte të Shërbimit “ju” dhe/apo “pronari i kanalit” nënkupton subjektin juridik ose fizik i cili  shfrytëzon Shërbimet, “ne” apo “tonë” apo “Gjirafa” nënkupton Gjirafa (e përdorur njëkohësisht me të  gjitha degët dhe subjektet e varura), ndërkaq “palët” nënkupton ju dhe Gjirafa 

1.3 GjirafaVideo është një platformë online e videos e cila iu mundëson pronarëve të kanaleve të saj të  ngarkojnë, shpërndarjnë dhe të monetizojnë përmbajtjen e tyre (tutje referuar si “Përmbajtja”). Përmbajtja  përfshinë tekstin, softuerin, skriptat, grafikat, fotot, tingujt, muzikën, videot, kombinimet audiovisuale,  karakteristikat interaktive dhe materialet tjera të cilat mund të shikosh, qasesh apo që i kontribuon  Shërbimit.  

1.4 Shërbimet e GjirafaVideo përfshijnë të gjitha aspektet e GjirafaVideo, që përfshinë por nuk limitohet  në produktet, softuerët dhe shërbimet e ofruara përmes uebsajtit të GjirafaVideo, sikur kanalet e  GjirafaVideo, “Embeddable Player” i GjirafaVideo, si dhe Ngarkuesi/Uploader i GjirafaVideo si dhe  çfarëdo aplikacioni tjetër.  

2. Qasja në Shërbime 

2.1 Për të shfrytëzuar Shërbimet tona, ju duhet të krijoni një Kanal të GjirafaVideo (tutje si “Kanali”), sipas  hapave dhe kushteve të përcaktuara paraprakisht si instruksione në ueb faqe si dhe të merrni aprovimin  nga ne. 

2.2 Kur të krijoni Kanalin tuaj, ju duhet të jepni informacione të plota dhe të sakta.  

2.3 Në ruajmë të drejtën të refuzojmë apo limitojmë qasjen tuaj në Shërbime nëse e konsiderojmë të  nevojshme dhe pa pasur nevojë të ju japim ndonjë shpjegimi. 

2.4 Duke paraqitur kërkesën tuaj për të shfrytëzuar Shërbimet, si një person fizik/individ, ju deklaroni se jeni së paku 18 vjeçar. 

2.5 Ju mund të keni vetëm një Kanal.  

2.6 Është rreptësisht e ndaluar të shfrytëzohet llogaria e dikujt tjetër pa autorizim paraprak.  

2.7 Është përgjegjësi e juaja çdo aktivitet që ndodh në Kanalin tuaj dhe ju duhet të mbani fjalëkalimin e  llogarisë të sigurt. Ju duhet të njoftoni Ekipin Mbështetës të GjirafaVideo menjëherë në rast të ndonjë  shkelje të sigurisë apo në rast të qasjes së pa autorizuar në llogarinë tuaj. Edhe pse Gjirafa nuk do të jetë  përgjegjëse për humbjet e juaja të shkaktuara nga përdorimi i pa autorizuar i Kanalit tuaj, ju do të jeni  përgjegjës për dëmet e shkaktuara ndaj Gjirafa apo reklamuesve si pasojë e shfrytëzimit të pa  autorizuar. 

2.8 Duke u regjistruar në GjirafaVideo, ju i jepni të drejtën Gjirafa të paraqesë reklama dhe përmbajtje  tjera (tutje si “Reklama”) dhe çfarëdo vegëze tjetër në Përmbajtjen tuaj dhe në Kanalin tuaj.  

2.9 Gjirafa në bazë të diskrecionit të saj mund në çfarëdo kohe të refuzojë të ofrojë Shërbime cilit do  Kanali të GjirafaVideo.  

3. Shfrytëzimi i Shërbimeve tona 

3.1 Ju mund të i shfrytëzoni shërbimet tona vetëm sipas dhe në përputhje me këto Kushte të Shërbimit.  Ju nuk lejoheni të keqpërdorni, p.sh, qasjen në shërbimet tona duke përdorur ndonjë metodë tjetër nga  ndërfaqja dhe instruksionet që ne ju japim.  

3.2 Nëse ju shfrytëzoni Embeddable Player në GjirafaVideo, ju nuk mund të modifikoni, ndërtoni apo  bllokoni ndonjë pjesë apo funksion të Embeddable Player, duke përfshirë por nuk limitohet në vegëzat  prapa në uebsajtin e GjirafaVideo. 

3.3 Shërbimet mund të përmbajnë vegëza të uebsajteve të palëve të treta të cilat nuk janë në pronësi dhe  nuk kontrollohen nga Gjirafa Gjirafa nuk ka kontroll mbi to, dhe nuk merr përsipër asnjë përgjegjësi për  përmbajtjen, politikat e privatësisë, apo praktikat e uebsajteve të palëve të treta. Poashtu, Gjirafa nuk do  të dhe nuk mund të cenzurojë apo editojë përmbajtjen e asnjë uebsajti të palëve të treta. Duke  shfrytëzuar Shërbimet tona, ju shprehimisht lironi Gjirafa nga çfarëdo përgjegjësie që rrjedhë si pasojë e  shfrytëzimit tuaj të uebsajteve të palëve të treta.  

3.4 Ju mund të ndërpreni shfrytëzimin e Shërbimeve tona në çdo kohë.  

4. Ndryshimet në Shërbimet tona; Ndryshimet në Kushtet e Shërbimit 

4.1 Shërbimet tona vazhdimisht janë duke u ndryshuar dhe duke u përmisuar. Në mund të shtojmë apo  largojmë ndonjë karakteristikë apo funskionalitet të Shërbimeve në çdo kohë dhe mund të pauzojmë apo  të i ndërprejmë të gjitha Shërbimet. 

4.2 Ne mund të modifikojmë këto Kushte të Shërbimit në çdo kohë. Në rast të modifikimit ne mund të ju  dërgojmë njoftim elektronik. Nëse ju nuk pajtoheni me modifikimet, ju duhet të mbyllni Kanalin tuaj.  Vazhdimi i shfrytëzimit të Shërbimeve pa kundërshtuar shprehimisht ato, do të konsiderohet si pranim i  Kushteve të Shërbimit të përditsuara.  

4.3 Edhe pse ne do të mundohemi të ju njoftojmë juve kur bëhen ndryshime të mëdha në këto Kushte të Shërbimit, ju duhet që periodikisht të rishikoni versionet e përditsuara.  

5. Montezimi i Përmbajtjes 

5.1 Për të monetizuar Përmbajtjen tuaj, ju duhet të zotëroni të gjitha të drejtat autoriale të nevojshme për  shfrytëzimin komercial të të gjitha elementeve visuale dhe audio.  

5.2 Përmbajtja e ngarkuar nga ju duhet të mbulojë të gjitha elementet e videos suaj dhe ju duhet të  siguroheni se i posedoni të gjitha të drejtat e nevojshme për shfrytëzimin e të dhënave vizuale të krijuara  nga ju.  

5.3 Në këtë mënyrë ju mund të monetizoni përmbajtjen tuaj nga shfaqjet e Reklamave të cilat paraqiten përderisa Përmbajtja visuale shikohet nga përdoruesit e internetit.  

5.4 Këto Kushte të Shërbimit nuk garantojnë se Kanali juaj do të monetizohet dhe se do të pranoni  domosdo pagesa nga Gjirafa me rastin e monetizimit të Kanalit.  

6. Pagesat 

6.1 Në pajtim me detajet e specifikuara në Shtojcën A të këtyre Kushteve të Shërbimit, ju mund të  pranoni pagesë në Reklamat e shfaqura në Kanalin dhe Përmbajtjen tuaj.  

6.2 Përveç në rast të ndërprerjes, ne mund të ju paguajmë juve në fund të çdo muaji (brenda 20 ditëve të  punës) ose në bazë të kërkesës suaj për tërheqje të mjeteve, që nuk mund të jetë më e vogël se 100  Euro. Para çdo pagese, ju duhet të na dërgoni një faturë.  

6.3 Pagesat do të kalkoluhen vetëm duke u bazuar në metodat tona të kontabilizmit. Pagesat ndaj juve  mund të ndalen për të përshtatur, reflektuar apo përjashtuar çfarëdo shume të rimbursuar apo të kredituar  tek reklamuesit apo të ndonjë shume që vjen si rrjedhojë e ndonjë veprimi jo-valid, siç përcakton Gjirafa.  në bazë të diskrecionit të saj. 

6.4 Veprimet jo-valide determinohen nga Gjirafa dhe përfshijnë, por nuk limitohen në: (a) spam,  kërkesa jo-valide, të papërshtatshme, përshtypjet jo-valide apo klikime jo-valide në Reklama të krijuara  nga një person, bot, program i automatizuar apo pajisje e ngjashme duke përfshirë nëpërmjet çfarëdo  klikimi apo përshtypje që vjen nga IP (adresa protokolare) dhe kompjuterët që janë nën kontrollin tuaj; (b)  klikimet e krijuara apo të nxitura si dhe përshtypjet e gjeneruara nga pagesa e parave, prezentimi i rremë,  apo kërkesat ndaj përdoruesve përfundimtar që të klikojnë në Reklama apo të ndërmarrin veprime tjera;  (c) Reklamat e paraqitura tek përdoruesit përfundimtar të cilat e kanë JavaScript të pa-aktivizuar në  shfletuesit e uebit dhe (d) klikimet apo përshtypjet e përziera me një shumë të konsiderueshme të  veprimeve të përshkruara në (a, b dhe c) më lartë.  

6.5 Përveç të drejtave dhe mjeteve tona, ne mund të (a) ndalim dhe të kompenzojmë çfarëdo pagese e  cila është borxh ndaj juve kundrejt çfarëdo tarife që ju mund të na keni borxh neve, apo (b) të kërkojmë  të na rimbursoni brenda 30 ditësh për çfarëdo fature, apo shume të mjeteve të cilat mund të ua kemi  paguar më tepër se që është dashur në periudhat paraprake.  

6.6 Nëse ju kontestoni çfarëdo pagese të bërë apo të mbajtur në lidhje me Shërbimet, ju duhet ta njoftoni  Gjirafa me shkrim brenda 30 ditësh pasi të jetë kryer pagesa. Nëse ju nuk na njoftoni brenda këtij afati,  për çfarëdo kërkese në lidhje pagesën e kontestuar konsiderohet se është hequr dorë.  

6.7 Nëse reklamuesi, Reklamat e të cilit paraqiten në cilindo Kanal dështon të paguajë Gjirafa, ne mund të ndalojmë pagesat ndaj juve në lidhje me atë relamues, ose të ngarkojmë prapa Kanalin tuaj.  

6.8 Për të siguruar pagesën e saktë, ju jeni përgjegjës të siguroni dhe të mirëmbani informacione të sakta  në lidhje me kontaktet dhe detajet e pagesave në Kanalin tuaj.  

6.9 Në rast të transfertave ndërkombetare, tarifat e transfertave bankare do të ndahen (SHA) në mes  Gjirafa.Inc dhe juve.  

7. Tatimet 

7.1 Të gjitha Shërbimet e ofruara nga Gjirafa iu nënshtrohen normave tatimore të aplikueshme në  Republikën e Kosovës. 

7.2 Në rast të aplikimit të tatimit në burim për të drejta pronësore dhe/apo licenca, Gjirafa do të mbajë  tatimin e aplikueshëm dhe do ta transferojë atë direkt në Administratën Tatimore të Kosovës dhe në bazë  të kërkesës suaj ne do të ju sigurojmë një çertifikatë të mbajtjes së tatimit.  

8. Të Drejtat e Pronësisë Intelektuale 

8.1 Asnjëra palë nuk do të marrë ndonjë të drejtë, titull as interes në të drejtat e pronësisë intelektuale që  i takojnë palës tjetër apo të licencuesve të palës tjetër.  

8.2 Përveç distribuimit të Përmbajtjes përmes GjirafaVideo, ju nuk mund të kopjoni, modifikoni,  distribuoni, shisni, apo të jepni me qira asnjë pjesë të Shërbimeve tona apo softuerëve të përfshirë dhe as  nuk mund të modifikoni në mënyrë inxhinerike apo të provoni të nxjerrni kodin e burimit të atij softueri,  përveç nëse ligji ndalon këto restriksione ose merrni nga ne aprovimin me shkrim paraprakisht.  

8.3 Ne mund të përfshijmë emrin dhe elementet e markës suaj tregtare në preznentimet tona, materialet  e marketingut, listat e klientëve dhe raportet financiare.  

8.4 Ju mbani të gjitha të drejtat tuaja të pronësisë mbi Përmbajtjen. Sidoqoftë, duke paraqitur apo  ngarkuar Përmbajtjen në GjirafaVideo, ju i jepni Gjirafa licencën universale, jo-eksluzive, e lirë nga prona  intelektuale dhe e transferueshme për tu shfrytëzuar, riprodhuar, shpërndarë, përgatitur vepra derivative,  paraqitur, dhe për të shfaqur Përmbajtjen në lidhje me Shërbimet e Gjirafa (duke përfshirë degët dhe  kompanitë) si biznes, përfshirë pa kurrfar limitimi për promovimin dhe shpërndarjen e ndonjë pjese apo të  gjithë Shëbimit (dhe veprimeve derivative) në çfarëdo formati media dhe përmes çfarëdo kanali të  medias. Ju poashtu jepni cilido shfrytëzuesi të Shërbimeve licencën jo-eksluzive të i qaset Përmbajtjes  tuaj përmes Shërbimit, dhe të shfrytëzojë, riprodhojë, shpërndajë, shfaqë dhe performojë këtë Përmbajtje  ashu siç lejohet përmes funksioneve të Shërbimit dhe siç lejohet me këto Kushte të Shërbimit. Licencat e  lartëcekura të dhëna nga ju në Përmbajtjen e video të cilën ju paraqitni për Shërbim, përfundojnë brenda  një periudhe kohore të arsyeshme biznesore pasi që ju të keni larguar apo fshirë videot nga Shërbimi. Ju  kuptoni dhe pajtoheni, sidoqoftë që Gjirafa mund të mbajë, por jo të shfaqë, shpërndajë apo performojë,  kopje të serverëve të Përmbajtjes që janë fshirë apo larguar. Licencat e lartcekura të dhëna nga ju në  komentet e shfrytëzuezve të cilat ju paraqisni janë të përjetshme dhe të parevokueshme. 8.5 Çështjet  tjera do të mbulohen nga ligji i aplikushëm në të drejtat e pronësisë intelektuale dhe/ose në bazë të  praktikave të mira, me mirëbesim dhe pa paragjykim.

9. Kufizimet e Përmbajtjes 

9.1 Ju nuk lejoheni të ngarkoni, postoni apo transmetoni (së bashku në këtë dokument si “Paraqisni”)  çfarëdo Përmbajtje që sipas gjykimit tonë: 

• Shkelë të drejtat autoriale të palës së tretë apo të drejta tjera p.sh. markën tregtare, të drejtat e privatësisë, etj.;  

• Përmbanë përmbajtje eksplicite seksuale apo pornografi;  

• Nxitë urrejtje, ose është shpifëse, apo diskriminuese apo nxitë urrejtje ndaj ndonjë individi apo grupi;

• Përmbanë përmbajtje që eksploaton të miturit osë në cfarëdo forme paraqet cënim ose rrezikim të të  miturit;  

• Përmbanë përmbajtje promovuese të veprimeve joligjore apo veprimeve të dhunshme;

• Shfaqë forma të ndryshme të dhunës apo mizorisë (p.sh dhuna apo mizoria ndaj kafshëve) apo dhuna  ekstreme ndaj kafshëve;  

• Promovon skema të dyshimta biznesore;  

• Shkakton dëm material dhe/ose dëm jo-material ndaj Gjirafa; 

• Është kundër interesave të Gjirafa apo të ndonjë pale të tretë;  

• Është kundër rendit publik; 

• Është e papërshtatshmë tu shikuar; 

• Shkelë ligjet e Republikës së Kosovës.  

9.2 Ju do të jeni vet përgjegjës për Përmbajtjen tuaj dhe për pasojat e Paraqitjes dhe të publikimit të  Përmbajtjes tuaj në Shërbime. Ju konfirmoni, deklaroni dhe garantoni se ju keni të gjitha licencat e  nevojshme, të drejtat, pëlqimet dhe lejet të publikoni Përmbajtjen që ju Paraqisni dhe ju i licenconi Gjirafa të gjitha patentat, markat tregtare, sekretet tregtare, të drejtat autoriale dhe të drejtat tjera pronësore në  dhe për Përmbajtjen për publikim në Shërbime në përputhje me këto Kushte të Shërbimit.  

10. Mbyllja e Kanalit 

10.1 GjirafaVideo mund në çdo kohë, pa njoftim paraprak dhe nën diskrecionin e saj të largojë Përmbajte  dhe/ose të mbyllë ndonjë Kanal për shkak të Paraqitjes së Përmbajtjes që shkelë këto Kushte të  Shërbimit ose për shkaqet të cilat Gjirafa e konsideron të arsyeshme mbylljen e kanalit dhe shfuqizimin e  këtyre kushteve në raport me ju.  

10.2 Kanali juaj mund të mbyllet në çdo kohë duke kompletuar procesin e deaktivizimit të llogarisë. 10.3 Në rast se ne ju mbyllim Kanalin për shkak të shkeljeve tuaja apo të veprimeve jo-valide, ne mund të  ndalojmë pagesat e papaguara. Nëse ne mbyllim Kanalin tuaj ju (a) nuk do të lejoheni të krijoni Kanal të ri  dhe (b) mund të mos lejoheni të monetizoni Përmbajtjen në produkte tjera të Gjirafa  

11. Të Drejtat Autoriale të Palëve të Treta dhe të drejtat tjera 

11.1 GjirafaVideo është një platformë e cila respekton të drejtat e pronësisë intelektuale të të tjerëve.  

11.2 Në rast se besoni se të drejtat tuaja autoriale janë shkelur, ju lusim të na dërgoni një njoftim  në [email protected]. 

12. Privatësia 

12.1 Në Politikën tonë të Privatësisë ju mund të gjeni shpjegimet se si i trajtojmë ne të dhënat tuaja personale dhe si mbrojmë privatësinë tuaj kur ju shfrytëzoni Shërbimet. Duke shfrytëzuar Shërbimet tona,  ju pajtoheni se Gjirafa mund të shfrytëzojë këto të dhëna sipas Politikës tonë të Privatësisë.  

12.2 Ne do të bëjmë përpjeke të arsyeshme komerciale të sigurojmë se do të marrim pëlqimin tuaj për  ruajtjen dhe qasjen në cookies, në informata specifike të pajisjes, në informacionin në lidhje me  lokacionin apo informacione të tjera në pajisjen tuaj në lidhje me Shërbimet, atëherë kur ky pëlqim  kërkohet me ligj.  

13. Konfidencialiteti 

13.1 Ju pajtoheni që nuk do të shpalosni çfarëdo Informacioni Konfidencial të Gjirafa pa pëlqimin tonë  paraprak me shkrim.  

13.2 “Informacioni Konfidencial i Gjirafa” pëfshinë: 

(a) të gjithë softuerët, teknologjinë dhe dokumentacionin e Gjirafa në lidhje me Shërbimet; (b) normat e klikimit-përmes apo statistikat tjera në lidhje me përformancën e Kanalit tuaj që u takon  Shërbimeve; 

(c) ekzistenca e, apo informimi për, elementet beta në Shërbim; dhe 

(d) çfarëdo informacioni tjetër i ofruar nga Gjirafa që është i shënuar si konfidencial apo që normalisht do  të konsiderohej si konfidencial sipas rrethanave në të cilat është prezentuar.  

13.3 Informacioni Konfidencial mund të jetë verbal, i shkruar, apo inçizuar ose i shikuar dhe mund të jetë  në atë që pala shpalosëse ka krijuar si dhe në atë e cila bie në posedim apo njohuri të pranuesit.  

13.4 Informacioni Konfidencial i Gjirafa nuk përfshinë informacionin të cilin ju veçse e keni ditur para se të  shfrytëzoni Shërbimet, apo që bëhet publik pa fajin tuaj apo që është zhvilluar në mënyrë të pavarur nga  ju, apo që në mënyrë ligjore u është ofruar juve nga një palë e tretë.  

13.5 Pavarësisht pjesës lart, ju mund të shpalosni saktë shumën bruto që Gjirafa paguan si rezultat i  shfrytëzimit të Shërbimeve nga ana juaj. 

13.6. Obligimet e marra përsipër në lidhje me konfidencialitetin do të vazhdojnë dhe të i mbijetojnë  mbylljes së Kanalit tuaj. 

14. Procedura e trajtimit të ankesave nga palët e treta 

14.1. Përmbajtja dhe çfarëdo materiali të cilin ju e paraqisni në Kanal është dhe mbetet përgjegjësi e juaja,  së bashku me çfarëdo pretendimi të një pale të tretë në lidhje me përmbajtjen, ashtu siq është përcaktuar  në këto Kushte. 

14.2. Në rast se një palë e tretë paraqet çfarëdo pretendimi ndaj Përmbajtjes, përmes e-mailit, mënyrave  tjera të komunikimit ose hapësirës së veçantë të raportimit, Gjirafa do të ndërmarr veprimet si vijon, dhe  pa vonese: 

i. Ju do të pranoni një njoftim së bashku me pretendimin e palës së tretë, me ato të dhëna kontaktuese të  cilat ne i pranojm nga pala e tretë; 

ii. Ju do të njoftoheni se Gjirafa ka ndërprerë shfaqjen e Përmbajtjes nga kanali juaj;

iii. Në rast se Përmbajtja, për mendimin e Gjirafa nuk bjen në kuadër të kufizimeve të përcaktuara në  pikën 9 të këtyre kushteve, ju do të keni të drejtën që të njejtën ta rishfaqni mënjëherë në kanalin tuaj;

iv. Në rast të rishfaqjes në kanalin tuaj të Përmbajtjes së ndërprerë në përputhje me pikat (ii) dhe (iii),  çfarëdo pretendimi i mëtutjeshëm i palës së tretë ndaj përmbajtjes do të trajtohet direkt nga Ju dhe Gjirafa  do të përcjell të gjithë komunkimin nga pala e tretë te ju.  

v. Gjirafa do të njoftoj edhe pretenduesin se përmbajtja është larguar nga kanali përkohësisht, do t’i  përcjell e-mail adresën tuaj për komunikime të mëtutjeshme dhe do ta njoftoj mbi përgjegjësinë tuaj në  lidhje me Përmbajtjen dhe shfaqjen ose rishfaqjen e të njejtës. 

15. Deklarimet; Garancitë; Mohimi i përgjegjësisë; Bartja 

15.1 Gjirafa garanton se ka të drejtën e nevojshme biznesore, zotësinë dhe autorizimet të ju jap të drejtat  e cekura në këtë dokument në lidhje me qasjen dhe shfrytëzimin e Shërbimeve.  

Ju deklaroni dhe garantoni se:  

(a) keni zotësinë dhe autorizimet e plota të shfrytëzoni Shërbimet dhe të hyni në këto Kushte të  Shërbimit; 

(b) ju jeni pronari i, ose jeni të autorizuar ligjërsisht të veproni në emër të pronarit për çdo Përmbajtje;  (c) Gjirafa nuk ka mbyllur apo suspenduar ndonjë llogari të krijuar nga ju në Gjirafa dhe/ose Kanal të  GjirafaVideo, për shkak të shkeljeve të Kushteve të Shërbimit apo për shkak të veprimeve jo-valide;  (d) me hyrjen në apo me performimin këtyre Kushteve të Shërbimit, ju nuk do të shkelni ndonjë  marrëveshje që keni me palët e treta dhe nuk do të shkelni të drejtat e palëve të treta; dhe (f) të gjitha informatat e sigurara nga ju për Gjirafa janë të sakta dhe të përditsuara.  

15.2 Përveç nëse është paraparë ndryshe me këto Kushte të Shërbimit, ne nuk bëjmë kurrfar premtimi  apo garancioni në lidhje me Shërbimet. Për shembull, ne nuk ofrojmë kurrfar garance në lidhje me  përmbatjen e Shërbimit, funksionimin specifik të Shërbimit, profitabilitetin ose besueshmërinë e Shërbimit,  disponueshmërinë apo aftësinë që këto shërbime i kanë për të përmbushur nevojat tuaja. Ne e ofrojmë  secilin shërbim ‘’siç është’’ (“as is”).  

15.3 Për aq sa është e lejuar me ligj, ne përjashtojmë të gjitha garancionet e shprehura, ligjore apo të  nënkuptuara. Ne, shprehimisht mohojmë garancionet apo kushtet në lidhje me mos-shkeljet, shitjen dhe  përshtatshmërinë për ndonjë qëllim te caktuar.  

15.4 Ju nuk mund të transferoni apo bartni Kanalin tuaj ndaj ndonjë pale tjetër pa pëlqimin tonë  paraprak.  

15.5 Këto Kushte të Shërbimit duhet të interpretohen dhe të zbatohen në pajtueshmëri me ligjin. Secila  dispozitë duhet të zbatohet për aq sa është e lejuar me ligj. Pazbatueshmëria e ndonjë dispozite të këtyre  Kushteve të Shërbimit nuk do të ndikojë në zbatueshmërinë e dispozitave tjera të Kushteve të  Shërbimit.  

16. Dëmshpërblimi dhe Kufizimi i Përgjegjësisë 

16.1 Ju dakordoheni të dëmshpërbleni dhe të mbroni Gjirafa degët, filialet, agjentët, kompanitë e varura  të saj dhe reklamuesit nga dhe kundër çdo kërkese nga palët e treta si dhe nga përgjegjësitë që rrjedhin  nga ose janë në lidhje me Kanalet ose Përmbajtjen tuaj, shfrytëzimin tuaj të Shërbimeve, apo shkeljen e  

çfarëdo kushti të këtyre Kushteve të Shërbimit. Reklamuesit e Gjirafa si palë e tretë janë përfitues të  kësaj klauzole dëmshpërblimi. 

16.2 Gjirafa përjashton të gjitha përgjegjësitë për çfarëdo dëmi direkt apo indirekt, përfshirë dëmin në  biznesin tuaj, humbjen e profitit, dëmet ndaj palëve të treta, dëmet personale apo dëmet në pronë, përveç  rasteve që përfshijnë sjelljen e pahijshme të qëllimshme apo neglizhencën e rëndë nga ana e Gjirafa 

16.3 Gjirafa nuk do të jetë përgjegjëse në çfarëdo rasti për dëmet e shkaktuara nga dështimi i  Shërbimeve apo për dëmet e shkaktuara si pasojë e shfrytëzimit të Shërbimeve.  

16.4 Ju do të dëmshpërbleni Gjirafa kundër çfarëdo kërkese nga palët e treta të cilat paraqiten kundër  Gjirafa në lidhje me shfrytëzimin tuaj të Shërbimeve. Në çfarëdo rasti, përgjegjësia e Gjirafës do të  limitohet në shumën maksimale e cila është e barabartë me shumën neto të pranuar nga ju prej neve në  lidhje me Shërbimet gjatë periudhës një mujore, para datës së paraqitjes së kërkesës.  

17. Hyrja në fuqi 

Këto Kushte të Shërbimit hyjnë në fuqi menjëherë pasi që ju të dakordoheni me përmbajtjen e tyre në  formë elektronike. 

18. Gjuha e aplikueshme 

Këto Kushte të Shërbimit në formë origjinale janë shkruar në gjuhën Angleze dhe poashtu mund të  publikohen edhe në gjuhë tjera. Në rast të ndonjë diskrepance në mes të versioneve të gjuhëve të  ndryshme, versioni i gjuhës Angleze do të mbizotërojë.  

19. Të ndryshme 

Kontratorët e Pavarur. Palët janë kontraktorë të pavarur nga njëri tjetri dhe këto Kushte të Shërbimit nuk  krijojnë asnjë partneritet apo ortakëri në mes palëve.  

Pa palë të treta përfituese. Përveç siç është përcaktohet me Nenin 16.1 dhe 2.7, këto Kushte të Shërbimit  nuk krijojnë të drejta përfituese për palët e treta. 

Mos-heqja dorë: Dështimi i cilësdo palë që të zbatojë ndonjë dispozitë të këtyre Kushteve të Shërbimit  nuk do të konstituojë në heqje dorë nga këto Kushte të Shërbimit, përveç siç është përcaktuar në Nenin  6.6. 

Forca Madhore: Asnjëra palë nuk do të jetë përgjegjëse për mosperformancë për aq sa mosperformanca  është shkaktuar nga një gjendje (p.sh., fatkeqësi natyrore, vepra të luftës apo terrorizimit, trazirave,  kushteve të punës, veprimeve të qeverisë dhe pengesave në Internet) që ka qenë përtej kontrollit të  arsyeshëm të palës.  

Ligji i Zbatueshëm; Jurisdiksioni; Vendi. Çdo mosmarrëveshje, mospajtim, ose pretendim që del nga, apo  në lidhje me këto kushte, duke përfshirë shkeljen, ndërprerjen ose jo-vlefshmërinë e kushteve, do të  zgjidhet me arbitrazh në kuadër të Odës Ekonomike Amerikane në Kosovë, në përputhje me rregullat e  arbitrazhit të Qendrës së Arbitrazhit të Odës Ekonomike Amerikane në Kosovë. Vendi i arbitrazhit do të  jetë Prishtina, Kosova. Procedura e arbitrazhit do të zhvillohet në gjuhën Angleze.  

19. Detyrueshmëria e këtyre kushteve dhe hyrja në fuqi 

19.1. Pranimi i këtyre kushteve krijon relacion kontraktues detyrues në mes të Gjirafa dhe juve. Çfarëdo  ndryshimi dhe plotësimi i kushteve, konsiderohet se kanë ndryshuar dhe plotësuar relacacionin  kontraktues në mes neve. 

19.2. Këto Kushte hyjnë në fuqi kurdo që shfaqet cilado nga rrethanat në vijim: 

1.1. Në datën e pranimit të tyre gjatë regjistrimit në plaftormë; ose 

1.2. Në rastet e kushteve të plotësuara dhe ndryshuara, në momentin kur ju vazhdoni të përdorni  shërbimet e GjirafaVideo, pas plotësimit dhe ndryshimit të kështeve.  

SHTOJCA A 

Detajet e Monetizimit 

Në momentin që Përmbajtja juaj ëshë Paraqitur dhe aprovuar nga ne për monetizim, Gjirafa mund të  vendosë Reklama brenda ose afër Përmbajtjes në formë të Reklamave Shfaqëse, Video Reklamave apo  Reklamave të tjera.  

Kështu, Kanali juaj mund të monetizohet automatikisht dhe pasi që ju të keni ndërlidhur Kanalin me  Reklamat e shfaqura në format e lartcekura të reklamimit, ju mund të fitoni të ardhura të cilat janë të  gjeneruara nga Reklamat.  

Të gjitha Reklamat e shfaqura në Kanalin tuaj janë të menaxhuara dhe të vendosura automatikisht nga  Gjirafa 

Pagesat mund të bëhen duke u bazuar në numrin e përshtypjeve valide të Reklamave të paraqitura në  Kanalin tuaj, në klikimet në Reklama (kur është e aplikueshme) të paraqitura në Kanalin tuaj, në gjatësinë  kohore të caktuar përgjatë së cilës Përmbajtja juaj shikohet, në secilin rast ashtu siç përcaktohet  shprehimisht nga Gjirafa  

Synimi i GjirafaVideo është zhvillimi dhe rritja e platformës, ku rol kyç keni ju si krijues i kanalit. Reklamat e vendosura nga Gjirafa për qellim të promovimit të platformave të saj ose për partneritet me  kompani të tjera, mund të kenë nivel të ndryshëm të monetizimit. 

Niveli i monetizimit dhe cmimi për reklamim është tërësisht në kompetencat e Gjirafa Nëse nuk pajtoheni me Kushtet, ju lutemi mos krijoni kanal.

POLITIKA E PRIVATËSISË – Gjirafa Inc.

Përditësimi i fundit më 24 dhjetor 2024

Kjo politikë e privatësisë për Gjirafa Inc., (tutje referuar si “Gjirafa”) ("ne", "neve", "jonë/a", “tonë/a”), përshkruan se si dhe pse mund të mbledhim, ruajmë, përdorim dhe/ose ndajmë ("përpunojmë") informacionin tuaj kur ju (“përdoruesi”) përdorni shërbimet, produktet, faqet e internetit (“Shërbimet”) tona, si p.sh.:

Vizitoni faqen tonë të internetit në www.gjirafa.com ose çdo faqe interneti tonën që lidhet me këtë politikë të privatësisë

Komunikoni me ne në mënyra të tjera të ngjajshme, duke përfshirë çdo shitje, marketing ose ngjarje

Pyetje apo shqetësime? Leximi i kësaj politike të privatësisë do t'ju ndihmojë të kuptoni të drejtat dhe zgjedhjet tuaja të privatësisë. Nëse nuk jeni dakord me politikat dhe praktikat tona, ju lutemi mos përdorni Shërbimet tona. Nëse keni akoma pyetje apo shqetësime, ju lutemi na kontaktoni në [email protected].

RECITALET

Në parim, Gjirafa përpunon të dhënat personale të përdoruesve të saj vetëm për aq sa kjo është e nevojshme për të ofruar një faqe interneti funksionale, si dhe përmbajtje dhe shërbime. Përpunimi i të dhënave personale të përdoruesve kryhet rregullisht vetëm pas pëlqimit të përdoruesit. Një përjashtim zbatohet në ato raste kur marrja e pëlqimit paraprak nuk është e mundur për arsye faktike dhe përpunimi i të dhënave lejohet me rregullativë ligjore.

Ne i marrim shumë seriozisht dispozitat e mbrojtjes së të dhënave dhe i respektojmë ato gjatë përpunimit të të dhënave personale në lidhje me shitjen e mallrave ose produkteve të tjera të ngjashme dhe ofrimin e shërbimeve të përzgjedhura, qoftë nëpërmjet platformës Gjirafa (tutje referuar si “Platforma”), e cila operohet në faqen e internetit www.gjirafa.com (tutje referuar si “faqja e internetit”), nëpërmjet postës elektronike ose në çdo formë tjetër. Kjo vlen edhe për përdorimin e thjeshtë të faqes sonë të internetit.

Kur përdorni Shërbimet dhe/ose vizitoni faqen tonë të internetit, ju pranoni kushtet e përshkruara në këtë Politikë të Privatësisë. Duke vepruar kështu, ju na autorizoni të mbledhim dhe përpunojmë të dhënat tuaja, sipas praktikave të përcaktuara në këtë Politikë të Privatësisë, si dhe në përputhje me ligjet në fuqi.

Ne kemi përditësuar këtë Politikë të Privatësisë për të siguruar që politikat e saj për rregullimin e proceseve dhe masave të sigurisë për mbledhjen dhe përpunimin e të dhënave personale janë në përputhje me ligjin e zbatueshëm në Republikën e Kosovës, përkatësisht Ligjin Nr. 06/L-082 për Mbrojtjen e të Dhënave Personale. Për më tepër, ne do të bëjmë çdo përpjekje për të siguruar që të dhënat personale të mbledhura nga përdoruesit do të trajtohen në përputhje me ligjet e tjera në fuqi në Republikën e Kosovës.

Kjo Politikë e Privatësisë u adresohet klientëve potencialë dhe ekzistues të Gjirafa, duke përfshirë përfaqësuesit e tyre, blerësve të mundshëm, d.m.th. personave të interesuar për mallrat e ofruara dhe shërbimet e tjera, si dhe për të gjithë vizitorët e Platformës dhe Faqes së internetit, me ç'rast fushëveprimi, qëllimi dhe arsyet e përpunimit të të dhënave personale ndryshojnë në situatat konkrete përkatëse dhe korrespondojnë me marrëdhëniet konkrete përkatëse ndërmjet personave të lartpërmendur (tutje referuar si “përdorues/të”) dhe Gjirafa. Kështu, kjo Politikë e Privatësisë zbatohet dhe është e zbatueshme për çdo përdorues të faqes së internetit, produkteve dhe/ose shërbimeve të ofruara nga dhe/ose përmes Gjirafa. Për qëllimet e kësaj Politike të Privatësisë, termat "përdorues", "klient" dhe “konsumator” kanë të njëjtin kuptim, përveç nëse tregohet ndryshe nga konteksti i përdorimit, dhe termi "Palë e tretë" i referohet çdo personi fizik ose juridik, përveç përdoruesit dhe Gjirafa.

Informacion i përgjithshëm në lidhje me përpunimin e të dhënave personale

1. Të dhënat personale dhe kuptimi i tyre

Të dhënat personale nënkupton çdo informacion që lidhet me një person fizik të identifikuar ose të identifikueshëm (i referuar gjithashtu si “Subjekti i të Dhënave”); një person fizik i identifikueshëm është ai që mund të identifikohet, drejtpërdrejt ose tërthorazi, veçanërisht duke iu referuar një identifikuesi si emri, një numër identifikimi, të dhënat e vendndodhjes, një identifikues në internet ose një ose më shumë faktorë specifikë fizikë, fiziologjikë, identitetin gjenetik, mendor, ekonomik, kulturor ose social të atij personi fizik. Këtu përfshihet veçanërisht data e lindjes ose vendi i lindjes, adresa e postës elektronike, numri i telefonit, vendbanimi, identifikuesi i rrjetit (cookies), numri i kartës së identitetit dhe numri i patentës së shoferit, kopja e këtyre ID-ve, të dhënat rreth llogarive në rrjetet sociale, përmbajtja e bisedës, ID-ja e Google, të dhënat online dhe offline dhe kombinimi i tyre, të dhëna për aktivitetet në Faqen e Internetit duke përfshirë analizën e grupimeve, të dhëna për mallrat e blera deri më sot dhe shërbimet e ofruara nga personi përgjegjës deri më sot, etj. Në mënyrë të përmbledhur, nënkupton çdo informacion që, në vetvete ose në kombinim me të dhëna të tjera, mund të identifikonte një person fizik të caktuar. Subjekt i të dhënave mund të konsiderohet secili përdorues i Shërbimeve tona.

2. Aktiviteti i përpunimit të të dhënave personale

Përpunimi i të dhënave nënkupton çdo veprim ose grup veprimesh mbi të dhënat personale ose mbi grupe të dhënash personale të kryera me ndihmën e procedurave automatike ose pa procedura të tilla mbi të dhënat personale; p.sh. koleksionimi, grumbullimi, përdorimi, klasifikimi, kombinimi, rregullimi, strukturimi, rigrupimi ose lidhja, ruajtja, përshtatja ose modifikimi, kërkimi, konsultimi, shënimi, shfrytëzimi, shpërndarja, vënia në dispozicion me anë të transmetimit ose çdo vënie në dispozicion, kufizimi, fshirja ose shkatërrimi i te dhënave personale.

3. Qëllimi, baza ligjore dhe fushëveprimi i përpunimit të të dhënave personale

Në përputhje me Ligjin Nr. 06/L-082 për Mbrojtjen e të Dhënave Personale, kontrolluesi i të dhënave (Gjirafa) mund të përpunojë të dhënat personale vetëm për arsye specifike ligjore, përkatësisht në bazë kontraktuale dhe në bazë ligjore (përfshirë në bazë të një detyrimi ligjor). Në këtë drejtim, përpunimi i të dhënave në rastin konkret duhet të jetë në interesin publik, të shërbejë për mbrojtjen e interesave të subjektit të të dhënave ose të një personi tjetër fizik, të jetë i nevojshëm për shkak të interesave legjitime të kontrolluesit ose të një pale të tretë, ose të kryhet me pëlqimin e shprehur të subjektit të të dhënave. Fushëveprimi i të dhënave që do të përpunohen varet nga qëllimi ose baza ligjore e përpunimit përkatës.

4. Zbulimi i të dhënave personale te palët e treta

Në disa raste, kontrolluesi i të dhënave përdor shërbimet e palëve të treta në lidhje me aktivitetet e tij të biznesit. Ndër të tjera, këta përpunojnë edhe të dhënat personale të mbledhura nga kontrolluesi. Këto palë të treta do të konsiderohen më pas si përpunues të porositur të të dhënave. Këtu bëjnë pjesë për shembull, sistemet e IT-së dhe administratorët e faqeve të internetit, kontabilistët, këshilltarët tatimorë, avokatët, auditorët, agjencitë e marketingut, etj. Në kuadër të përmbushjes së detyrimeve të tij ligjore, kontrolluesi i të dhënave duhet t'u transmetojë gjithashtu të dhëna personale autoriteteve publike (p.sh. gjykatat, agjencitë e zbatimit të ligjit, autoritetet administrative, etj.) në një masë të domosdoshme.

PËRMBLEDHJE E PIKAVE KYÇE

Kjo përmbledhje ofron pika kyçe nga politika jonë e privatësisë, por ju mund të mësoni më shumë detaje rreth secilës prej këtyre temave duke përdorur tabelën tonë të përmbajtjes më poshtë për të gjetur seksionin që kërkoni.

Çfarë informacioni personal përpunojmë?

Kur ju vizitoni, përdorni ose navigoni Shërbimet tona, ne mund të përpunojmë informacione personale në varësi të mënyrës se si ndërveproni me ne dhe Shërbimet, zgjedhjet që bëni dhe produktet dhe veçoritë që përdorni. Mësoni më shumë rreth informacionit personal që na jepni, më poshtë.

A përpunojmë ne ndonjë informacion të ndjeshëm personal?

Ne nuk përpunojmë informacione të ndjeshme personale, përveç rasteve kur konsiderohet e nevojshme dhe ne kemi paraprakisht pëlqimin tuaj me shkrim.

A pranojmë ne ndonjë informacion nga palët e treta?

Ne mund të pranojmë informacione nga bazat e të dhënave publike, partnerët e marketingut, platformat e mediave sociale dhe burime të tjera të jashtme. Mësoni më shumë rreth informacionit të mbledhur nga burime të tjera, më poshtë.

Si e përpunojmë ne informacionin tuaj?

Ne përpunojmë informacionin tuaj për të ofruar, përmirësuar dhe administruar Shërbimet tona, për të komunikuar me ju, për sigurinë dhe parandalimin e mashtrimit dhe për të respektuar ligjin. Ne gjithashtu mund të përpunojmë informacionin tuaj për qëllime të tjera me pëlqimin tuaj. Ne përpunojmë informacionin tuaj vetëm kur kemi një arsye ligjore të vlefshme për ta bërë këtë. Mësoni më shumë rreth mënyrës se si e përpunojmë informacionin tuaj, më poshtë.

Në çfarë situatash dhe me cilat palë mund të ndajmë ne informacionin personal?

Ne mund të ndajmë informacion në situata specifike dhe me palë të treta specifike. Mësoni më shumë se kur dhe me kë ndajmë informacionin tuaj personal, më poshtë.

Si e mbajmë informacionin tuaj të sigurt?

Ne mbrojmë të dhënat tuaja duke përdorur masa të larta sigurie teknologjike, fizike dhe administrative për të minimizuar rrezikun e çdo humbjeje, keqpërdorimi, qasjeje të paautorizuar, zbulimi ose ndryshimi të të dhënave. Disa nga masat mbrojtëse që ne përdorim janë "firewalls", enkriptimi i të dhënave, nivelet e larta të kontrollit dhe kriteret e autorizimit për qasjen në të dhënat tuaja personale. Mësoni më shumë rreth mënyrës se si ne i ruajmë informacionet tuaja, më poshtë.

Cilat janë të drejtat tuaja?

Ligji në fuqi për privatësinë në Kosovë, përkatësisht Ligji Nr. 06/L-082 për Mbrojtjen e të Dhënave Personale, konstaton se ju keni disa të drejta në lidhje me të dhënat tuaja personale. Gjirafa ka përditësuar këtë Politikë të Privatësisë për të siguruar që politikat e saj për rregullimin e proceseve dhe masat e sigurisë për mbledhjen dhe përpunimin e të dhënave personale janë në përputhje me ligjin. Për më tepër, Gjirafa do të bëjë të gjitha përpjekjet për të siguruar që të dhënat personale të mbledhura nga përdoruesit të trajtohen në përputhje me ligjet në fuqi në Republikën e Kosovës.

Gjirafa gjithashtu synon vullnetarisht dhe vazhdimisht të përputhë dhe të harmonizojë praktikat e saj me standardet më të larta ndërkombëtare në lidhje me mbrojtjen e privatësisë dhe të dhënave personale, siç është Rregullorja e Përgjithshme e Mbrojtjes së të Dhënave, (GDPR) e Bashkimit Evropian, e cila ka hyrë në fuqi më 25 maj 2018. Kjo Politikë e Privatësisë zbatohet dhe zbatohet për çdo përdorues të cilësdo prej faqeve të internetit, produkteve dhe/ose shërbimeve të ofruara nga dhe/ose nëpërmjet Gjirafa. Mësoni më shumë rreth të drejtave tuaja të privatësisë, më poshtë.

Si t’i ushtroni të drejtat tuaja?

Mënyra më e lehtë për të ushtruar të drejtat tuaja është duke vizituar ose duke na kontaktuar. Ne do të shqyrtojmë dhe do të veprojmë sipas çdo kërkese në përputhje me ligjet në fuqi për mbrojtjen e të dhënave.

Dëshironi të mësoni më shumë rreth asaj që bëjmë me çdo informacion që mbledhim? Lexoni në tërësi Politikën e Privatësisë.

1. ÇFARË INFORMACIONI MBLEDHIM?

Informacion personal që ju na jepni

Shkurtimisht: Ne mbledhim informacione personale që ju na jepni.

Ne mbledhim informacione personale që ju na jepni vullnetarisht kur regjistroheni në Platformë dhe/ose Shërbime, kur ju përditësoni ose plotësoni të dhënat personale në llogarinë tuaj, shprehni interesin për të marrë informacion rreth nesh ose produkteve dhe shërbimeve tona, kur merrni pjesë në aktivitete në Shërbimet, kur porositni, dhe/ose blini, nga dhe/ose nëpërmjet Shërbimeve tona, kur hasni rrethana të tjera, siç mund të specifikohen në këtë Politikë të Privatësisë ose ndryshe kur na kontaktoni.

Informacioni personal i dhënë nga ju

Informacioni personal që mbledhim varet nga konteksti i ndërveprimeve tuaja me ne dhe Shërbimet, zgjedhjet që bëni dhe produktet dhe veçoritë që përdorni. Informacioni personal që mbledhim mund të përfshijë sa vijon, por nuk kufizohet në:

• Emri dhe mbiemri
• Numrat e telefonit
• Adresat e emailit
• Adresat e banimit
• Të dhënat e kontaktit ose të vërtetimit
• Adresat e faturimit
• Data e lindjes
• Fjalëkalimi
• Informacione të tjera relevante në përputhje me qëllimin dhe/ose bazën ligjore.

Lloje të tjera të informacionit personal që ne mund të mbledhim, përfshijnë, por nuk kufizohen në:

• Kur blini produkte dhe/ose shërbime të ndryshme nga ne, atëherë mund t'ju kërkohet informacion si adresa e dorëzimit për produktin e blerë, adresa e faturimit, të dhënat e kartës dhe/ose të llogarisë bankare, të dhënat në lidhje me mjetet e ndryshme të pagesës, dhe informacione të tjera të ofruara nga ju për blerjen e çdo produkti dhe/ose Shërbimi, dhe me qëllim të ofrimit të produktit të porositur dhe përfundimit me sukses të pagesës.
• Kur përdorni Shërbimet tona, duke përfshirë kur vizitoni ndonjë nga faqet tona të internetit, ju mund të jepni informacione personale si mosha, gjinia, interesat, arsimi, përvoja profesionale, preferencat, etj.
• Ne gjithashtu mund të mbledhim dhe përpunojmë informacione të tjera shtesë që kërkohen ose autorizohen nga ligjet në fuqi për mbledhjen dhe përpunimin e të dhënave, në mënyrë që të identifikojmë dhe verifikojmë informacionin e ofruar për ju, veçanërisht kur veprime të tilla kërkohen dhe/ose urdhërohen nga çdo autoritet publik kompetent.

Në asnjë rast dhe në asnjë rrethanë, ne nuk do t'ju kërkojmë të zbuloni dhe/ose të jepni të dhënat personale të fëmijëve. Ju mund të vendosni emrin e një të mituri nën kujdesin tuaj në llogarinë e regjistruar në Gjirafa vetëm për qëllimin e identifikimit të përdoruesit, dhe për qëllimin e zgjedhjes së përmbajtjes që është e përshtatshme për moshën e tyre.

Informacion i Ndjeshëm

Ne nuk përpunojmë informacione të ndjeshme, përveç rasteve kur konsiderohet e nevojshme dhe ne kemi paraprakisht pëlqimin tuaj me shkrim.

Të Dhënat e Pagesës

Ne nuk mbledhim, ruajmë ose përpunojmë kartën bankare nëse bëni blerje. Në rastet kur përpunimi i pagesës kryhet nga palë të treta, ne mund t'i ndajmë të dhënat e pagesave të ofruara nga Ju me palët e treta që ofrojnë shërbimet përkatëse të përpunimit të pagesave. Të gjitha të dhënat e pagesës ruhen nga pala e tretë përkatëse. Në raste të tilla, janë të zbatueshme kushtet dhe politikat për përpunimin e të dhënave personale të palëve të treta përkatëse. Ju këshillojmë të lexoni politikën e privatësisë të palëve të treta përkatëse.

Të dhënat e hyrjes/identifikimit në media sociale

Ne mund t'ju ofrojmë mundësinë për t'u regjistruar me ne duke përdorur detajet ekzistuese të llogarisë suaj të mediave sociale, si Facebook, Google ose llogari tjera të mediave sociale. Nëse zgjidhni të regjistroheni në këtë mënyrë, ne do të mbledhim informacione të caktuara të profilit tuaj nga ofruesi i mediave sociale, siç përshkruhet në seksionin e quajtur "SI I TRAJTOJMË NE HYRJET TUAJA NË MEDIAT SOCIALE?" më poshtë.

Të gjitha informacionet personale që ju na jepni duhet të jenë të vërteta, të plota dhe të sakta, dhe ju duhet të na njoftoni për çdo ndryshim në këto informacione personale.

Informacioni i mbledhur automatikisht

Shkurtimisht: Disa informacione — si adresa juaj e Protokollit të Internetit (IP) dhe/ose karakteristikat e shfletuesit dhe pajisjes — mblidhen automatikisht kur vizitoni Shërbimet tona

Ne mbledhim automatikisht informacione të caktuara kur ju vizitoni, përdorni ose navigoni Shërbimet tona. Ky informacion mund të zbulojë identitetin tuaj specifik (si emri, informacioni i kontaktit ose numri i ID-së), dhe mund të përfshijë informacionin e pajisjes dhe përdorimit, si adresën tuaj IP, karakteristikat e shfletuesit dhe pajisjes, sistemin operativ, preferencat gjuhësore, URL-të referuese, emri i pajisjes, vendin, vendndodhjen, informacionin se si dhe kur i përdorni Shërbimet tona, të dhënat mbi preferencat tuaja të marketingut, reklamimit dhe komunikimit me ne, cilat të dhëna marrim ne nga pajisjet që përdorni kur përdorni Shërbimet tona, kur regjistroni një llogari me ne, përditësoni ose shtoni informacion në llogarinë tuaj, merrni pjesë në diskutime ose biseda në internet dhe/ose kur komunikoni me ne në lidhje me Shërbimet tona, të dhëna nga pajisjet tuaja si statistikat e shikimit të faqeve, trafiku në dhe/ose nga faqe të internetit të caktuara, miniaplikacione, historiku i shfletimit ose të dhënat tuaja të hyrjes në faqet tona të internetit ose ato të partnerëve tanë, të dhënat për termat e kërkimit dhe/ose filtrat e përdorur dhe informacione të tjera teknike. Ky informacion është i nevojshëm kryesisht për të ruajtur sigurinë dhe funksionimin e Shërbimeve tona, si dhe për qëllimet tona të brendshme analitike dhe raportuese.

Informacioni që ne mbledhim përfshin:

• Regjistrin dhe të dhënat e përdorimit. Të dhënat e regjistrit dhe përdorimit janë informacione të lidhura me shërbimin, diagnostikimin, përdorimin dhe performancën që serverët tanë mbledhin automatikisht kur ju qaseni ose përdorni Shërbimet tona dhe të cilat ne i regjistrojmë në skedarët e regjistrave. Varësisht se si ndërveproni me ne, këto të dhëna të regjistrit mund të përfshijnë adresën tuaj IP, informacionin e pajisjes, llojin e shfletuesit dhe cilësimet dhe informacionin rreth aktivitetit tuaj në Shërbime (të tilla si vulat e datës/kohës që lidhen me përdorimin tuaj, faqet dhe skedarët e parë , kërkimet dhe veprimet e tjera që ndërmerrni, si p.sh. cilat veçori përdorni), informacionet e ngjarjeve të pajisjes (siç janë aktiviteti i sistemit, raportet e gabimeve (ndonjëherë të quajtura "depozitimet e përplasjeve"/”crash dumps”) dhe cilësimet e harduerit).
• Të Dhënat e Pajisjes. Ne mbledhim të dhëna të pajisjes, të tilla si informacione për kompjuterin, telefonin, tabletin ose pajisjen tjetër që përdorni për të hyrë në Shërbimet. Në varësi të pajisjes së përdorur, të dhënat e kësaj pajisjeje mund të përfshijnë informacione të tilla si adresa juaj IP (ose serveri proxy), numrat e identifikimit të pajisjes dhe aplikacionit, vendndodhjen, llojin e shfletuesit, modelin e harduerit, ofruesin e shërbimit të internetit dhe/ose operatorin celular, sistemin operativ dhe informacione për konfigurimin e sistemit.
• Të Dhënat e Vendndodhjes. Ne mbledhim të dhëna për vendndodhjen, si p.sh. informacione për vendndodhjen e pajisjes suaj, të cilat mund të jenë ose të sakta ose të pasakta. Sa informacion mbledhim varet nga lloji dhe cilësimet e pajisjes që përdorni për të hyrë në Shërbimet. Për shembull, ne mund të përdorim GPS dhe teknologji të tjera për të mbledhur të dhëna të vendndodhjes gjeografike që na tregojnë vendndodhjen tuaj aktuale (bazuar në adresën tuaj IP). Ju mund të tërhiqeni nga lejimi i mbledhjes së këtij informacioni ose duke refuzuar qasjen në informacion ose duke çaktivizuar cilësimin e vendndodhjes në pajisjen tuaj. Megjithatë, nëse zgjidhni të tërhiqeni, mund të mos jeni në gjendje të përdorni disa aspekte të Shërbimeve.

Informacioni i mbledhur nga "Cookies"

Ashtu si shumë biznese, ne gjithashtu mbledhim informacion përmes cookies dhe teknologjive të ngjashme. Kur ju vizitoni faqen tonë të internetit , skedarë të vegjël teksti ruhen në shfletuesin tuaj, të ashtuquajturat cookies. Ruajtja e cookies kërkon miratimin tuaj në të ashtuquajturën procedurë "opt-in".

Cookies janë skedarë të vegjël teksti që përmbajnë një sasi të papërfillshme informacioni (shkronja dhe numra) që ruhen në kompjuterin tuaj kur vizitoni Faqen e Internetit dhe lundroni nëpër platformë dhe që i mundësojnë Faqes së Internetit të njohë shfletuesin ose pajisjen tuaj.

Në këtë Politikë të Privatësisë, ne do t'u referohemi skedarëve të tillë me fjalën "cookies" sipas versionit origjinal të shkruar në gjuhën angleze. Për sa i përket interesit tonë legjitim, cookie të tilla janë thelbësore për funksionimin e Faqes së Internetit (Platformës) dhe për shërbimet e internetit të Gjirafa.

Ne përdorim cookies për t'ju ofruar veçori dhe Shërbime, duke përfshirë:

• Për të ju njohur juve kur identifikoheni dhe kyçeni për të përdorur shërbimet tona;
• Për të memorizuar preferencat tuaja të specifikuara;
• Për të kryer diagnostifikimin mbi performancën e Shërbimeve tona dhe për të përmirësuar funksionalitetin e tyre;
• Për të përmirësuar sigurinë dhe parandalimin e aktiviteteve mashtruese;
• Për të kuptuar ndërveprimet e juaja me Shërbimet tona dhe për të personalizuar përmbajtjen që ju ofrohet, duke përfshirë reklamat.

Llojet e cookies që përdorim:

Cookies të nevojshme: Këto cookie janë të nevojshme për funksionimin e Shërbimeve të Gjirafa dhe për këtë arsye nuk mund të ç’aktivizohen. Cookies të tilla nuk ruajnë asnjë të dhënë personalisht të identifikueshme.

Cookies të performancës: Këto cookie na mundësojnë të monitorojmë vizitat dhe trafikun në faqet tona të internetit dhe përdoren për të matur dhe përmirësuar performancën e Shërbimeve tona. Këto cookie janë gjithashtu të nevojshme për ne për të dalluar subjektet individuale të të dhënave kur shikojmë faqet e internetit dhe për të shfaqur informacione të rëndësishme vetëm për këto subjekte të të dhënave sipas preferencave të tyre të mëparshme;

Cookie marketingu: Këto cookies përdoren nga rrjetet e reklamave dhe rrjetet sociale për të konfiguruar reklamat që shihni në mënyrë që ato të paraqesin përmbajtje që është e rëndësishme për ju.

Nëse nuk dëshironi të ruani skedarët e cookie-ve rregullisht dhe sistematikisht në shfletuesin tuaj ose dëshironi të hiqni të gjithë skedarët e cookie-ve të ruajtura nga shfletuesi, mund ta specifikoni këtë në cilësimet e shfletuesit. Megjithatë, refuzimi ose bllokimi i skedarëve të cookies mund të ndikojë në përdorimin e faqes së internetit dhe ju mund të mos jeni në gjendje të përfitoni nga disa veçori thelbësore të Shërbimeve tona.

Google API

Përdorimi ynë i informacionit të marrë nga Google API do t'i përmbahet Politikës së të Dhënave të Përdoruesit të Shërbimeve API të Google, duke përfshirë kërkesat për përdorim të kufizuar. Linkun e kësaj Politike e gjeni këtu:

Informacioni i mbledhur nga burime të tjera

Shkurtimisht: Ne mund të mbledhim të dhëna të kufizuara nga bazat e të dhënave publike, partnerët e marketingut, platformat e mediave sociale dhe burime të tjera të jashtme.

Për të rritur aftësinë tonë për të ofruar marketing, oferta dhe shërbime përkatëse për ju dhe për të përditësuar të dhënat tona, ne mund të marrim informacione rreth jush nga burime të tjera, të tilla si bazat e të dhënave publike, partnerët e përbashkët të marketingut, programet e filialeve, ofruesit e të dhënave, platformat e mediave sociale dhe nga palë të tjera të treta. Ky informacion përfshin adresat postare, titujt e punës, adresat e postës elektronike, numrat e telefonit, të dhënat e qëllimit (ose të dhënat e sjelljes së përdoruesit), adresat e Protokollit të Internetit (IP), profilet e mediave sociale, URL-të e mediave sociale dhe profilet e personalizuara, qëllime të reklamimit të targetuar dhe promovimit të ngjarjeve.

Ne përdorim gjithashtu ofruesit e shërbimeve për të kryer funksione dhe për të ofruar shërbime në zonat ku operojmë. Për shembull, ne përdorim shërbime të ndryshme të palëve të treta, si psh. Google Analytics, Hotjar, etj., për të ndihmuar në ofrimin e Shërbimeve të tij, të tilla si hostimi i serverëve ose aplikacioneve tona, ose për të na ndihmuar të kuptojmë përdorimin e Shërbimeve tona.

Nëse ndërveproni me ne në një platformë të mediave sociale duke përdorur llogarinë tuaj të mediave sociale (p.sh. Facebook), ne marrim informacione personale për ju nga kjo platformë të tilla si emri, adresa e emailit dhe gjinia. Çdo informacion personal që mbledhim nga llogaria juaj e mediave sociale varet nga cilësimet e privatësisë së llogarisë suaj të mediave sociale. Ju lutemi vini re se përdorimi i tyre i informacionit tuaj nuk rregullohet nga kjo politikë e privatësisë.

2. SI E PËRPUNOJMË NE INFORMACIONIN TUAJ?

Shkurtimisht: Ne përpunojmë informacionin tuaj për të ofruar, përmirësuar dhe administruar Shërbimet tona, për të komunikuar me ju, për sigurinë dhe parandalimin e mashtrimit dhe për të respektuar ligjin. Ne gjithashtu mund të përpunojmë informacionin tuaj për qëllime të tjera me pëlqimin tuaj.

Ne mund të përpunojmë informacionin tuaj personal për disa arsye, varësisht se si ndërveproni me Shërbimet tona, duke përfshirë:

• Për të lehtësuar krijimin dhe vërtetimin e llogarisë dhe për të menaxhuar llogaritë e përdoruesve. Ne mund të përpunojmë informacionin tuaj që ju të mund të krijoni dhe të kyceni në llogarinë tuaj, si dhe ta mbani llogarinë tuaj funksionale.
• Për të ofruar dhe lehtësuar ofrimin e shërbimeve tek përdoruesi. Ne mund të përpunojmë informacionin tuaj për t'ju ofruar shërbimin e kërkuar.
• Për t'iu përgjigjur pyetjeve të përdoruesve/ofrimi i mbështetjes për përdoruesit. Ne mund të përpunojmë informacionin tuaj për t'iu përgjigjur pyetjeve tuaja dhe për të zgjidhur çdo problem të mundshëm që mund të keni me shërbimin e kërkuar.
• Për t'ju dërguar informacione administrative. Ne mund të përpunojmë informacionin tuaj për t'ju dërguar detaje në lidhje me produktet dhe shërbimet tona, ndryshimet në kushtet dhe politikat tona dhe informacione të tjera të ngjashme.
• Për të përmbushur dhe menaxhuar porositë tuaja. Ne mund të përpunojmë informacionin tuaj për të përmbushur dhe menaxhuar porositë, pagesat, kthimet dhe shkëmbimet tuaja të bëra përmes Shërbimeve.
• Për të kërkuar komente/feedback. Ne mund të përpunojmë informacionin tuaj kur është e nevojshme për të kërkuar komente dhe për t'ju kontaktuar në lidhje me përdorimin tuaj të Shërbimeve tona.
• Për t'ju dërguar njoftime marketingu dhe promovuese. Ne mund të përpunojmë informacionin personal që na dërgoni për qëllimet tona të marketingut, nëse kjo është në përputhje me preferencat tuaja të marketingut. Ju mund të tërhiqeni nga emailet tona të marketingut në çdo kohë. Për më shumë informacion, shihni "CILAT JANË TË DREJTAT TUAJA TË PRIVATËSISË?" më poshtë.
• Për të ofruar reklama të synuara për ju. Ne mund të përpunojmë informacionin tuaj për të zhvilluar dhe shfaqur përmbajtje dhe reklama të personalizuara të përshtatura për interesat, vendndodhjen tuaj dhe më shumë.
• Për të mbrojtur Shërbimet tona. Ne mund të përpunojmë informacionin tuaj si pjesë e përpjekjeve tona për t'i mbajtur Shërbimet tona të padëmshme dhe të sigurta, duke përfshirë monitorimin dhe parandalimin e mashtrimit.
• Për të identifikuar trendet e përdorimit. Ne mund të përpunojmë informacione rreth mënyrës se si i përdorni Shërbimet tona për të kuptuar më mirë se si po përdoren ato në mënyrë që t'i përmirësojmë ato.
• Për të përcaktuar efektivitetin e fushatave tona të marketingut dhe promovimit. Ne mund të përpunojmë informacionin tuaj për të kuptuar më mirë se si të ofrojmë fushata marketingu dhe promovuese që janë më të rëndësishme për ju.
• Për të ruajtur ose mbrojtur interesat jetike të një individi. Ne mund të përpunojmë informacionin tuaj kur është e nevojshme për të ruajtur ose mbrojtur interesin jetik të një individi, si p.sh. për të parandaluar dëmtimin.
• Për të ofruar kyçje dhe qasje të sigurt në shërbimet tona. Ne mund të përpunojmë informacionin tuaj për të siguruar mbrojtjen e llogarisë tuaj nëpërmjet masave të fuqishme vërtetimi për të mbrojtur informacionin tuaj dhe për të mbajtur një mjedis të sigurt në internet.
• Për të ofruar shërbime të personalizuara dhe të përshtatshme. Ne mund të përpunojmë informacionin tuaj për t'i përshtatur ofertat tona sipas preferencave dhe nevojave tuaja, duke përmirësuar përvojën tuaj të përdoruesit duke ofruar përmbajtje dhe veçori që përputhen me interesat tuaja individuale.
• Për të përmirësuar Shërbimet tona. Ne mund të përpunojmë informacionin tuaj në mënyrë që të analizojmë modelet e përdorimit dhe komentet për të përmirësuar dhe optimizuar vazhdimisht shërbimet tona, duke siguruar një përvojë më të mirë dhe më efikase për përdoruesit tanë.

3. NË ÇFARË BAZA LIGJORE MBËSHTETEMI NE PËR TË PËRPUNUAR INFORMACIONIN TUAJ?

Shkurtimisht: Ne përpunojmë informacionin tuaj personal vetëm kur besojmë se është e nevojshme dhe kemi një arsye të vlefshme ligjore (d.m.th., bazë ligjore) për ta bërë këtë sipas ligjit në fuqi, si p.sh. me pëlqimin tuaj, për të respektuar ligjet, për t'ju ofruar shërbime për të hyrë ose përmbushur detyrimet tona kontraktuale, për të mbrojtur të drejtat tuaja ose për të përmbushur interesat tona legjitime të biznesit.

Ligji Nr. 06/L –082 për Mbrojtjen e të Dhënave Personale na kërkon të shpjegojmë bazat ligjore të vlefshme në të cilat mbështetemi për të përpunuar informacionin tuaj personal. Në këtë kuptim, ne mund të mbështetemi në bazat ligjore të mëposhtme për të përpunuar informacionin tuaj personal:

• Pëlqimi. Ne mund të përpunojmë informacionin tuaj nëse ju na keni dhënë leje (d.m.th. pëlqimin) për të përdorur informacionin tuaj personal për një qëllim të caktuar. Ju mund ta tërhiqni pëlqimin tuaj në çdo kohë. Mësoni më shumë rreth tërheqjes së pëlqimit tuaj, më poshtë.
• Përmbushja e një kontrate. Ne mund të përpunojmë informacionin tuaj personal kur besojmë se është e nevojshme të përmbushim detyrimet tona kontraktuale ndaj jush, duke përfshirë ofrimin e Shërbimeve tona ose me kërkesën tuaj përpara se të lidhim një kontratë me ju.
• Respektimi i Obligimit Ligjor. Ne mund të përpunojmë informacionin tuaj aty ku besojmë se është i nevojshëm për respektimin e obligimeve tona ligjore, si p.sh. të bashkëpunojmë me një organ të zbatimit të ligjit ose agjenci rregullatore, të ushtrojmë ose mbrojmë të drejtat tona ligjore, ose të zbulojmë informacionin tuaj si provë në një proces gjyqësor në të cilin jemi të përfshirë.
• Interesat legjitime. Ne mund të përpunojmë informacionin tuaj kur besojmë se është e nevojshme në mënyrë të arsyeshme për të arritur interesat tona legjitime të biznesit dhe këto interesa nuk i tejkalojnë interesat dhe të drejtat dhe liritë tuaja themelore. Për shembull, ne mund të përpunojmë informacionin tuaj personal për disa nga qëllimet e përshkruara në mënyrë që të:

Dërgojmë te përdoruesit tonë informacione rreth ofertave dhe zbritjeve speciale për produktet dhe shërbimet tona;

Zhvillojmë dhe shfaqim përmbajtje të reklamave të personalizuara dhe përkatëse për përdoruesit tonë;

Analizojmë se si përdoren Shërbimet tona në mënyrë që ne t'i përmirësojmë ato për t’i mbajtur përdoruesit tonë;

Mbështesim aktivitetet tona të marketingut;

Diagnostifikojmë problemet dhe/ose parandalojmë aktivitetet mashtruese;

Kuptojmë se si përdoruesit tonë përdorin produktet dhe shërbimet tona në mënyrë që të përmirësojmë përvojën e përdoruesit;

Për të krijuar një mjedis të padëmshëm dhe të sigurt kur përdorni faqen tonë të internetit;

Për të kuptuar më mirë klientët tonë dhe preferencat e tyre, duke u ofruar atyre shërbime të personalizuara;

Për të ofruar shërbime më të mira dhe të përditësuara për klientët tonë.

• Mbrojtja e Interesave jetike. Ne mund të përpunojmë informacionin tuaj aty ku besojmë se është e nevojshme për të mbrojtur interesat tuaja jetike ose interesat jetike të një pale të tretë, të tilla si situata që përfshijnë kërcënime të mundshme për sigurinë e cilitdo person.
• Interesi publik. Ne mund të përpunojmë informacionin tuaj nëse përpunimi është i nevojshëm për kryerjen e një detyre me interes publik ose për ushtrimin e autoritetit zyrtar që na është dhënë.

4. KUR DHE ME KË NE NDAJMË INFORMACIONET TUAJ PERSONALE?

Shkurtimisht: Ne mund të ndajmë informacion në situata specifike të përshkruara në këtë seksion dhe/ose me palët e treta në vijim.

Ne mund të na duhet të ndajmë informacionin tuaj personal në situatat e mëposhtme:

• Transferet e biznesit. Ne mund të ndajmë ose transferojmë informacionin tuaj në lidhje me ose gjatë negociatave të çdo bashkimi, shitjeje të aseteve të kompanisë, financimin ose blerjen e të gjithë ose një pjese të biznesit tonë te një kompani tjetër.
• Kur përdorim API të Platformës së Hartave Google. Ne mund t'i ndajmë informacionin tuaj me disa API të Platformës së Hartave Google (p.sh., API i Hartave Google, API i Vendeve). Ne marrim dhe ruajmë në pajisjen tuaj ("cache") vendndodhjen tuaj. Ju mund ta revokoni pëlqimin tuaj në çdo kohë duke na kontaktuar në detajet e kontaktit të dhëna në fund të këtij dokumenti.
• Filialet. Ne mund të ndajmë informacionin tuaj me bashkëpunëtorët tanë, në të cilin rast do t'u kërkojmë atyre filialeve të respektojnë këtë politikë të privatësisë. Filialet përfshijnë kompaninë tonë mëmë dhe çdo filial, partner të sipërmarrjes së përbashkët ose kompani të tjera që ne kontrollojmë ose që janë nën kontroll të përbashkët me ne.
• Partnerët e biznesit. Ne mund të ndajmë informacionin tuaj me partnerët tonë të biznesit për t'ju ofruar produkte, shërbime ose promovime të caktuara.
• Shitësit, konsulentët dhe ofruesit e tjerë të shërbimeve të palëve të treta. Ne mund t'i ndajmë të dhënat tuaja me shitësit e palëve të treta, ofruesit e shërbimeve, kontraktorët ose agjentët ("palët e treta") të cilët kryejnë shërbime për ne ose në emrin tonë dhe kërkojnë qasje në informacione të tilla për të kryer atë punë. Palët e treta që mund të ndajmë informacionin personal janë, por pa u kufizuar në: (i) Ofruesit e Shërbimeve financiare/Bankat, me të cilët ne mund të ndajmë informacione për të ndihmuar klientët tanë të kontaktojnë një institucion financiar të arsyeshëm, në lidhje me ofrimin e ndihmës financiare për të blerë mallra ose shërbime shtesë; (ii) përdorimi i shërbimeve të një ofruesi të shërbimit të pagesave, (d.m.th. porta e pagesës/payment gateway), me qëllim që të ofrohet një shërbim përmes të cilit mund të paguhet çmimi i blerjes.
• Ne mund të ndajmë informacionin e pagesave me ofruesit e shërbimeve për të përpunuar pagesat, për të parandaluar, zbuluar ose hetuar mashtrimin ose aktivitete të tjera të ndaluara, për të ndihmuar në zgjidhjen e mosmarrëveshjeve, të tilla si rimbursimet ose mbledhjet e mëvonshme, si dhe çështje të tjera të lidhura me pranimin e kartave të debitit dhe/ose kartat e kreditit.

Në rastet kur përdorni shërbimet e ofruara nga ofruesit e shërbimeve të palëve të treta, ne bëjmë çdo përpjekje për të siguruar që, kur pala e tretë ka kontakt me të dhënat personale të mbledhura ose të ruajtura nga ne, pala e tretë pranon të trajtojë të dhënat e sipërpërmendura në përputhje me kushtet e kësaj Politike të Privatësisë, dhe sipas ligjeve në fuqi për mbrojtjen e privatësisë dhe të dhënave personale.

5. CILI ËSHTË QËNDRIMI JONË PËR FAQET E INTERNETIT TË PALËVE TË TRETAVE?

Shkurtimisht: Ne nuk jemi përgjegjës për sigurinë e çdo informacioni që ju ndani me palët e treta që ne mund t'i lidhim ose që reklamojnë në Shërbimet tona, por që nuk janë të lidhura me Shërbimet tona.

Shërbimet mund të lidhen me faqet e internetit të palëve të treta, shërbime në internet ose aplikacione celulare dhe/ose të përmbajnë reklama nga palë të treta që nuk janë të lidhura me ne dhe që mund të lidhen me faqe të internetit, shërbime ose aplikacione të tjera. Prandaj, ne nuk japim asnjë garanci në lidhje me ndonjë palë të tillë të tretë dhe nuk do të jemi përgjegjës për ndonjë humbje ose dëmtim të shkaktuar nga përdorimi i faqeve, shërbimeve ose aplikacioneve të tilla të palëve të treta. Përfshirja e një lidhjeje drejt një faqe interneti, shërbimi ose aplikacioni të palëve të treta nuk nënkupton një miratim nga ne. Ne nuk mund të garantojmë sigurinë dhe privatësinë e të dhënave që ju i jepni palëve të treta. Çdo e dhënë e mbledhur nga palët e treta nuk mbulohet nga kjo politikë e privatësisë. Ne nuk jemi përgjegjës për përmbajtjen ose praktikat, politikat e privatësisë dhe sigurisë së palëve të treta, duke përfshirë faqet e internetit, shërbimet ose aplikacionet e tjera që mund të lidhen me ose nga Shërbimet tona. Prandaj, Gjirafa shprehimisht mohon përgjegjësinë për veprimet dhe/ose dëmet që mund të shkaktohen nga faqet e internetit të palëve të treta që përdoruesit zgjedhin të vizitojnë. Ju këshillojmë të rishikoni politikat e këtyre palëve të treta dhe t'i kontaktoni drejtpërdrejt për t'iu përgjigjur pyetjeve tuaja.

6. A PËRDORIM NE COOKIES DHE TEKNOLOGJI TË TJERA GJURMIMI?

Shkurtimisht: Ne mund të përdorim cookie dhe teknologji të tjera gjurmimi për të mbledhur dhe ruajtur informacionin tuaj.

Ne mund të përdorim cookie dhe teknologji të ngjashme gjurmimi (si p.sh. web beacons dhe pixels) për të mbledhur informacione kur ndërveproni me Shërbimet tona. Disa teknologji të gjurmimit në internet na ndihmojnë të ruajmë sigurinë e Shërbimeve tona dhe të llogarisë tuaj, të parandalojmë përplasjet (“crashes”), të rregullojmë gabimet (“bugs”), të ruajmë preferencat tuaja dhe të ndihmojmë me funksionet bazë të faqes.

Informacioni specifik rreth mënyrës se si ne përdorim teknologji të tilla dhe se si ju mund të refuzoni disa cookie janë specifikuar më lart. Mësoni më shumë rreth informacionit të mbledhur nga "Cookies", më sipër.

Google Analytics

Ne mund të ndajmë informacionin tuaj me Google Analytics për të gjurmuar dhe analizuar përdorimin e Shërbimeve. Për të hequr dorë nga gjurmimi nga Google Analytics në Shërbimet tona, vizitoni linkun: . Për më shumë informacion mbi praktikat e privatësisë së Google, ju këshillojmë të lexoni Politikën e Privatësisë dhe Kushtet e Përdorimit të Google, në linkun: .

7. SI I TRAJTOJMË NE HYRJET TUAJA NË MEDIAT SOCIALE?

Shkurtimisht: Nëse zgjidhni të regjistroheni ose të identifikoheni/kyçeni në Shërbimet tona duke përdorur një llogari të mediave sociale, ne mund të kemi qasje në informacione të caktuara rreth jush.

Shërbimet tona ju ofrojnë mundësinë për t'u regjistruar dhe për t'u identifikuar duke përdorur të dhënat e llogarisë suaj të mediave sociale të palëve të treta (si Facebook ose Google). Në rast se ju zgjedhni ta bëni këtë, ne do të marrim informacione të caktuara të profilit tuaj nga ofruesi juaj i mediave sociale. Informacioni i profilit që marrim mund të ndryshojë në varësi të ofruesit të mediave sociale në fjalë, por zakonisht përfshin emrin tuaj, adresën e emailit, listën e miqve dhe fotografinë e profilit, si dhe informacione të tjera që ju zgjedhni t’i bëni publike në një platformë të tillë të mediave sociale.

Ne do të përdorim informacionin që marrim vetëm për qëllimet që përshkruhen në këtë politikë të privatësisë ose që ju janë bërë të qarta ndryshe në Shërbimet përkatëse. Ju lutemi vini re se ne nuk kontrollojmë dhe nuk jemi përgjegjës për përdorime të tjera të informacionit tuaj personal nga ofruesi juaj i mediave sociale të palëve të treta. Ne ju këshillojmë që të rishikoni politikën e tyre të privatësisë për të kuptuar se si ata mbledhin, përdorin dhe ndajnë informacionin tuaj personal dhe si mund të vendosni preferencat tuaja të privatësisë në faqet e internetit dhe aplikacionet e tyre.

8. SA KOHË E RUAJMË NE INFORMACIONIN TUAJ?

Shkurtimisht: Ne e mbajmë informacionin tuaj për aq kohë sa është e nevojshme për të përmbushur qëllimet e përshkruara në këtë politikë të privatësisë, përveç nëse kërkohet ndryshe nga ligji.

Ne do t'i mbajmë të dhënat tuaja personale vetëm për aq kohë sa është e nevojshme për qëllimet e përcaktuara në këtë Politikë të Privatësisë, përveç nëse kërkohet ose lejohet me ligj një periudhë më e gjatë ruajtjeje (siç janë kërkesat tatimore, kontabiliteti ose kërkesa të tjera ligjore). Ne mund t'i mbajmë të dhënat tuaja personale pas mbylljes së llogarisë tuaj për të parandaluar mashtrimin, për të mbledhur çdo borxh të papaguar, për të zgjidhur mosmarrëveshjet, për të zbatuar marrëveshje dhe/ose kontrata, për qëllime të përcaktuara nga legjislacioni tatimor, për të ndihmuar çdo hetim dhe për të ndërmarrë veprime të tjera të lejuara dhe/ose kur kërkohet nga ligjet në fuqi. Kur nuk kemi nevojë të vazhdueshme legjitime të biznesit për të përpunuar informacionin tuaj personal, ne do ta fshijmë ose anonimizojmë një informacion të tillë, ose, nëse kjo nuk është e mundur (për shembull, për shkak se informacioni juaj personal është ruajtur në arkivat rezervë), atëherë ne do të ruajmë të dhënat tuaja personale dhe do të izolojmë ato nga çdo përpunim i mëtejshëm derisa të jetë e mundur fshirja. Në rastet kur nuk është më e nevojshme për ne, ose kur mbarojnë detyrimet ligjore për të ruajtur të dhënat tuaja personale, ose kur qëllimi për të cilin janë mbledhur dhe/ose ruajtur të dhënat tuaja personale pushon, ne shkatërrojmë të dhënat e sipërpërmendura në mënyrë të sigurt si dhe në përputhje me ligjin në fuqi për privatësinë dhe mbrojtjen e të dhënave personale, dhe në përputhje me politikat tona të brendshme.

9. SI E MBAJMË TË SIGURT INFORMACIONIN TUAJ?

Shkurtimisht: Ne synojmë të mbrojmë informacionin tuaj personal përmes një sistemi masash sigurie, organizative dhe teknike.

Ne mbrojmë të dhënat tuaja duke përdorur masa të larta sigurie teknologjike, fizike dhe administrative për të minimizuar rrezikun e çdo humbjeje, keqpërdorimi, qasje të paautorizuar, zbulimi ose ndryshimi të të dhënave. Disa nga masat mbrojtëse që ne përdorim janë "firewalls", enkriptimi i të dhënave, nivelet e larta të kontrollit dhe kriteret e autorizimit për qasje në të dhënat tuaja personale. Nëse keni arsye të besoni se llogaria juaj është komprometuar në ndonjë mënyrë, ju lutemi na kontaktoni menjëherë në [email protected]. Ne kemi zbatuar masa të përshtatshme dhe të arsyeshme sigurie teknike dhe organizative të dizajnuara për të mbrojtur sigurinë e çdo informacioni personal që përpunojmë. Megjithatë, pavarësisht masave mbrojtëse dhe përpjekjeve tona për të siguruar informacionin tuaj, asnjë transmetim elektronik përmes internetit ose teknologjia e ruajtjes së informacionit nuk mund të garantohet të jetë 100% i sigurt, kështu që ne nuk mund të premtojmë ose garantojmë se hakerët, kriminelët kibernetikë ose palë të tjera të treta të paautorizuara nuk do të jenë të aftë për të mposhtur sigurinë tonë dhe për të mbledhur, aksesuar, vjedhur ose modifikuar në mënyrë të papërshtatshme informacionin tuaj. Edhe pse ne do të bëjmë çmos për të mbrojtur informacionin tuaj personal, transmetimi i informacionit personal në dhe nga Shërbimet tona është në rrezikun tuaj. Ju duhet të përdorni Shërbimet vetëm brenda një mjedisi të sigurt.

10. A MBLEDHIM NE INFORMACION NGA TË MITURIT?

Shkurtimisht: Ne, me vetëdije, nuk mbledhim të dhëna nga ose tregtojmë për të miturit nën moshën trembëdhjetë (13) vjeç.

Ne nuk mbledhim me vetëdije, kërkojmë të dhëna nga, apo tregtojmë për fëmijët nën 13 vjeç. Personat nën moshën trembëdhjetë (13) vjeç nuk lejohen të hapin një llogari tek ne, ose të japin informacionin e tyre personal. Përdoruesit të cilët janë të paktën trembëdhjetë (13) vjeç, por nën moshën tetëmbëdhjetë (18) vjeç mund të regjistrohen tek ne, por vetëm nëse kanë pëlqimin e prindit dhe/ose të kujdestarit të tyre ligjor, duke përfshirë pëlqimin për këtë Politikë të Privatësisë për, dhe në emër të të miturve nga mosha trembëdhjetë (13) deri në tetëmbëdhjetë (18).

Në rastet kur përpunimi i të dhënave bëhet për personat nën moshën tetëmbëdhjetë (18) vjeç, ne bëjmë përpjekje të vazhdueshme për të verifikuar që pëlqimi është dhënë dhe/ose autorizuar nga një prind dhe/ose kujdestar ligjor i të miturve, duke marrë parasysh kapacitetet teknike të disponueshme.

Sipas kësaj Politike të Privatësisë dhe sipas Kushteve tona të Përdorimit, prindërit dhe/ose kujdestarët ligjorë janë përgjegjës për dhënien e pëlqimeve të nevojshme për fëmijët që nuk kanë mbushur moshën madhore. Gjirafa në asnjë rrethanë nuk është përgjegjëse për veprimet e prindit dhe/ose kujdestarit ligjor në lidhje me një të mitur nën përkujdesin e tyre. Ne ju këshillojmë fuqimisht që të mbikëqyrni me kujdes fëmijët gjatë përdorimit të Shërbimeve tona. Nëse ne kuptojmë se janë mbledhur informacione personale nga përdorues nën moshën 13 vjeç, ne do të ç’aktivizojmë llogarinë dhe do të marrim masa të arsyeshme për t'i fshirë menjëherë këto të dhëna nga të bazat tona të të dhënave. Nëse ju viheni në dijeni për ndonjë të dhënë që ne mund të kemi mbledhur pa vetëdije nga fëmijët nën moshën 13 vjeç, ju lutemi na kontaktoni në [email protected].

Duke përdorur Shërbimet tona, ju deklaroni dhe pohoni se jeni të paktën 18 vjeç ose, se jeni prindi ose kujdestari ligjor i një të mituri dhe ju jepni pëlqimin që i mituri të përdorë Shërbimet.

11. CILAT JANË TË DREJTAT TUAJA TË PRIVATËSISË?

Shkurtimisht: Në disa rajone në Evropë, por edhe në Republikën e Kosovës, ju keni të drejta që ju mundësojnë qasje më të madhe dhe kontroll mbi të dhënat tuaja personale. Ju mund të rishikoni, ndryshoni ose mbyllni llogarinë tuaj në çdo kohë.

Sipas Ligjit Nr. 06/L –082 për Mbrojtjen e të Dhënave Personale, ju keni disa të drejta. Këto mund të përfshijnë:

• të drejtën për të kërkuar qasje dhe për të marrë një kopje të informacionit tuaj personal,
• e drejta për të kërkuar korrigjim ose fshirje (e drejta për t'u harruar);
• të drejtën për të kufizuar përpunimin e informacionit tuaj personal;
• nëse është e aplikueshme, e drejta për transferimin e të dhënave; dhe
• e drejta për të mos iu nënshtruar vendimmarrjes së automatizuar.

Në rrethana të caktuara, ju gjithashtu mund të keni:

• e drejta për të kundërshtuar përpunimin e informacionit tuaj personal. Ju mund ta bëni një kërkesë të tillë duke na kontaktuar duke përdorur të dhënat e kontaktit të vendosura në seksionin "SI MUND TË NA KONTAKTONI PËR KËTË POLITIKË TË PRIVATËSISË?" më poshtë.

Nëse keni ndonjë pyetje, ankesë ose sygjerim në lidhje me këtë Politikë të Privatësisë, ose të drejtën tuaj për privatësi dhe mbrojtjen e të dhënave tuaja personale, mund të na kontaktoni direkt në [email protected].

Ne do të shqyrtojmë dhe do të veprojmë sipas çdo kërkese në përputhje me ligjet në fuqi për mbrojtjen e të dhënave.

Nëse ndodheni në Republikën e Kosovës dhe besoni se ne i përpunojmë në mënyrë të paligjshme të dhënat tuaja personale, ju gjithashtu keni të drejtë të ankoheni në Agjencinë për Informim dhe Privatësi.

Tërheqja e pëlqimit tuaj: Nëse ne mbështetemi në pëlqimin tuaj për të përpunuar informacionin tuaj personal, ju keni të drejtë të tërhiqni pëlqimin tuaj në çdo kohë. Ju mund ta tërhiqni pëlqimin tuaj në çdo kohë duke na kontaktuar duke përdorur të dhënat e kontaktit të dhëna në seksionin "SI MUND TË NA KONTAKTONI PËR KËTË POLITIKË TË PRIVATËSISË?" më poshtë ose duke përditësuar preferencat tuaja.

Megjithatë, ju lutemi vini re se kjo nuk do të ndikojë në ligjshmërinë e përpunimit përpara tërheqjes së tij dhe as nuk do të ndikojë në përpunimin e informacionit tuaj personal të kryer duke u mbështetur në baza të tjera të ligjshme të përpunimit përveç pëlqimit.

Të hiqni dorë nga njoftimet e marketingut dhe promovimit: Ju mund të ç’abonoheni nga njoftimet tona të marketingut dhe promovimit në çdo kohë duke klikuar në vegëzën e ç’regjistrimit në emailet që dërgojmë, ose duke na kontaktuar në detajet e dhëna në seksionin "SI MUND TË NA KONTAKTONI PËR KËTË POLITIKË TË PRIVATËSISË?" më poshtë. Më pas do të hiqeni nga listat e marketingut. Megjithatë, ne ende mund të komunikojmë me ju - për shembull, për t'ju dërguar mesazhe të lidhura me shërbimet që janë të nevojshme për administrimin dhe përdorimin e llogarisë tuaj, për t'iu përgjigjur kërkesave të shërbimit ose për qëllime të tjera jo marketingu.

Informacioni i Llogarisë

Nëse në çdo kohë dëshironi të rishikoni ose ndryshoni informacionin në llogarinë tuaj ose të mbyllni llogarinë tuaj, mund të:

• Kyceni në llogarinë tuaj dhe përditësoni llogarinë tuaj të përdoruesit (account settings);
• Na kontaktoni duke përdorur informacionin e dhënë për kontaktin.

Me kërkesën tuaj për të mbyllur llogarinë tuaj, ne do të çaktivizojmë ose fshijmë llogarinë tuaj dhe informacionin nga bazat tona aktive të të dhënave. Megjithatë, ne mund të mbajmë disa informacione në dosjet tona për të parandaluar mashtrimin, për të zgjidhur problemet, për të ndihmuar në çdo hetim, për të zbatuar kushtet tona ligjore dhe/ose për të përmbushur kërkesat ligjore në fuqi.

Cookies dhe teknologji të ngjashme: Shumica e shfletuesve të faqeve të internetit janë caktuar të pranojnë cookies si parazgjedhje. Nëse preferoni, zakonisht mund të zgjidhni që shfletuesi juaj të caktojë që të heqë cookies dhe të refuzojë cookies. Nëse zgjidhni të hiqni cookies ose të refuzoni cookies, kjo mund të ndikojë në disa veçori ose shërbime të Shërbimeve tona.

Nëse keni pyetje ose komente në lidhje me të drejtat tuaja të privatësisë, mund të na dërgoni email në [email protected].

12. KONTROLLET PËR VEÇORI TË MOS GJURMIMIT (“DNT”)

Shumica e shfletuesve të faqeve të internetit dhe disa sisteme operative celulare dhe aplikacione celulare përfshijnë një veçori ose cilësim Mos-Gjurmo ("DNT") që mund ta aktivizoni për të sinjalizuar preferencën tuaj të privatësisë që të mos monitorohen dhe mblidhen të dhëna për aktivitetet tuaja të shfletimit në internet. Në këtë fazë nuk është finalizuar asnjë standard teknologjik uniform për njohjen dhe zbatimin e sinjaleve DNT. Si i tillë, ne aktualisht nuk i përgjigjemi sinjaleve të shfletuesit DNT ose ndonjë mekanizmi tjetër që komunikon automatikisht zgjedhjen tuaj për të mos u gjurmuar në internet. Nëse miratohet një standard për gjurmimin në internet që duhet të ndjekim në të ardhmen, ne do t'ju informojmë për këtë praktikë në një version të rishikuar të kësaj Politike të Privatësisë.

13. A BËJMË NE PËRDITËSIME NË KËTË POLITIKË TË PRIVATËSISË?

Shkurtimisht: Po, ne do ta përditësojmë këtë politikë sipas nevojës për të qëndruar në përputhje me ligjet përkatëse.

Ne mund ta përditësojmë këtë politikë të privatësisë herë pas here. Versioni i përditësuar do të tregohet nga një datë e përditësuar ("Përditësimi i fundit dhe data") dhe versioni i përditësuar do të hyjë në fuqi sapo të jetë i disponueshëm. Nëse bëjmë ndryshime materiale në këtë politikë privatësie, ne mund t'ju njoftojmë ose duke postuar në mënyrë të dukshme një njoftim për këto ndryshime ose duke ju dërguar drejtpërdrejt një njoftim. Ne ju inkurajojmë që ta rishikoni shpesh këtë politikë privatësie për t'u informuar se si ne e mbrojmë informacionin tuaj.

Ju lutemi vini re se nëse modifikimet dhe/ose shtesat në këtë Politikë të Privatësisë janë të një natyre thelbësore, refuzimi juaj për t’i pranuar përditësimet e tilla mund të çojë në përfundimin e marrëdhënies tuaj me ne, d.m.th. në përfundimin e ofrimit të Shërbimeve tona për ju. Prandaj, nëse vendosni të mos ndani me ne të dhëna të caktuara, mund të mos jeni në gjendje të përdorni Shërbime të caktuara.

Në rast se ndonjë pjesë, paragraf dhe/ose nëntitull i kësaj Politike të Privatësisë konsiderohet dhe/ose konstatohet se është i pavlefshëm nga ndonjë autoritet kompetent për çfarëdo arsye, pjesët e tjera të kësaj Politike të Privatësisë mbeten në fuqi dhe ruajnë efektin e plotë ligjor, pa u prekur nga pjesa tjetër e konsideruar e pavlefshme.

14. SI MUND TË NA KONTAKTONI PËR KËTË POLITIKË TË PRIVATËSISË?

Nëse ju keni pyetje ose komente në lidhje me këtë Politikë të Privatësisë, mund të na kontaktoni përmes email adresës në ose të na kontaktoni përmes adresës postare në:

Gjirafa Inc., Dega në Kosovë

Graçanicë,

Magjistralja Prishtinë – Ferizaj,

Km i 6-të, 10500,

Republika e Kosovës

Telefon: +381(0) 38 61 61 61

15. SI MUND TË RISHIKONI, PËRDITËSONI APO TË FSHINI TË DHËNAT QË MBLEDHIM NGA JU?

Bazuar në Ligjin Nr. 06/L –082 për Mbrojtjen e të Dhënave Personale, ju mund të keni të drejtë të kërkoni qasje në informacionin personal që mbledhim nga ju, ta ndryshoni atë informacion, ta fshini atë, të jepni pëlqimin tuaj, të tërhiqni pëlqimet paraprake ose kërkoni ç’aktivizimin e llogarisë tuaj. Ju gjithashtu keni mundësinë e transferimit të të dhënave tuaja duke ju mundësuar shkarkimin e tyre. Për të kërkuar të rishikoni, përditësoni ose fshini informacionin tuaj personal ose nëse keni ndonjë pyetje, ju lutemi na vizitoni ose na kontaktoni drejtpërdrejt në [email protected].

Gjirafa, Inc - Dega në Kosovë

Adresa: Magjistralja Prishtine - Ferizaj, km i 6-te

Tel: +383 (0) 49 202 040

Email: [email protected]

Gjirafa Shqiperi - SHPK

Adresa: Tirana Business Park, Rinas, Tiranë, Shqiperi

Tel: +355 (0) 68 803 0303

Email: [email protected]

© 2019 Gjirafa, Inc.