Kolegji Riinvest

Kolegji Riinvest u themelua në vitin 2007 mbi traditën e pasur shumë vjeçare të Institutit për Hulumtime Zhvillimore Riinvest dhe nga një grup ekspertësh kosovar të shkencave kompjuterike me punë dhe banim ne Austri. Personeli akademik i Riinvestit u zhvillua gjatë disa viteve në universitete evropiane e amerikane, e veçmas në Universitetin Staffordshire të Britanisë së Madhe.
Tani me Kolegjin Riinvest janë të lidhur profesorët dhe ekspertët më të mirë nga fusha e shkencave ekonomike dhe shkencave kompjuterike duke krijuar një bazë të fortë për studime ekonomike dhe të biznesit të niveiit baçellor dhe master. Prej vitit 2009, Riinvest u validua të ofrojë programet franshizë në fushën e biznesit në nivelin BA dhe MBA të Universitetit Staffordshire.