Katrori i Pushtetit

Ditën që Blerimi, një politikan i njohur 50-vjeçar, humb jetën, një nga kokat e krimit të organizuar në vend, Bert Vela, 35 vjeç lirohet nga burgu. Kjo ngjarje përkon në të njëjtën kohë edhe me nxjerrjen me dhunë të banorëve nga shtëpitë e tyre në një lagje në afërsi të Parkut të Madh të Liqenit në Tiranë, me motivin se në atë truall pushteti vendor kishte vendosur të ndërtonte një projekt i madh zhvillimi, që do të pasqyrojë vizionin e “kryeqytetit të pesëdhjetë viteve të ardhshme”. Elva, tek të pesëdhjetat, Gentiana, 35 vjeç dhe Nina 25 vjeç tre gazetare të një televizioni informativ, për të gjetur lidhjen mes këtyre ngjarjeve, do të ekspozohen, secila në formën e vet me pasoja të rrezikshme. Jetët e tyre kalojnë nëpër sfida të forta jo vetëm në karrierë por edhe në familje, ku çdo ditë duhet të përballen me sfida që burojnë nga mungesa e stabilitetit financiar dhe statusit që i mbron ato nga përplasjet me interesat e mëdha të Biznesit, Politikës dhe Krimit, që fshihen pas këtyre ngjarjeve.